ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

នារសៀលថ្ងៃទីពុធ ០៨កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨នេះ នៅបន្ទប់ VIP សាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបពិភាក្សាការងារ និងសម្ដែងគួរសមជាមួយប្រតិភូអគ្គនាយកដ្ឋានពាណិជ្ជកម្ម

នារសៀលថ្ងៃទីពុធ ០៨កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨នេះ នៅបន្ទប់ VIP សាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបពិភាក្សាការងារ និងសម្ដែងគួរសមជាមួយប្រតិភូអគ្គនាយកដ្ឋានពាណិជ្ជកម្មខេត្តសានដុង នៃសាធារណរដ្ឋប្រជាមានិតចិន ដឹកនាំដោយលោក Zhang Xing Cheng អគ្គនាយក នៃអគ្គនាយកដ្ឋានពាណិជ្ជកម្មខេត្តសានដុង ។

នៅក្នុងជំនួបពិភាក្សានេះ ក៏មានការអញ្ជើញចូលរួមពីឯកឧត្ដមអភិបាលរងខេត្ត ប្រតិភូខេត្តសានដុង រួមនិងតំណាងអ្នកវិនិយោគខេត្តសានដុងដែលកំពុងដំណើរការវិនិយោគក្នុងទឹកដីនៃខេត្តស្វាយរៀង ។

ក្នងឱកាសនោះ លោក Zhang Xing Cheng អគ្គនាយក នៃអគ្គនាយកដ្ឋានពាណិជ្ជកម្ម ខេត្តសានដុង បានជម្រាបជូនពីគោលបំណងដែលគណៈប្រតិភូរបស់លោកអញ្ជើញមកខេត្តស្វាយរៀង គឺចុះមកសិក្សាស្វែងយល់ពីសក្ដានុពលរបស់ខេត្តស្វាយរៀង ដើម្បីធ្វើការជំរុញវិនិយោគិនខេត្តសានដុងមកវិនិយោគឲ្យបានកាន់តែច្រើនថែមទៀតនៅក្នុងភូមិសាស្ត្រខេត្ត ។ ជាមួយនេះ លោកអគ្គនាយក ក៏បានថ្លែងនូវការអរគុណចំពោះអាជ្ញាធរខេត្ត ជាពិសេសឯកឧត្ដមអភិបាលខេត្ត ដែលតែងតែផ្ដល់នូវភាពកក់ក្ដៅ តាមរយ:ការជួយសម្របសម្រួល សហការ និងគាំទ្រនូវរាល់សកម្មភាពវិនិយោគរបស់ក្រុមហ៊ុនមកពីខេត្តសានដុង ព្រមទាំងបានសំណូមពរឲ្យអាជ្ញាធរខេត្តបន្តជួយការពារ ផ្ដល់នូវភាពកក់ក្ដៅ និងបង្កលក្ខណៈងាយស្រួលដល់វិនិយោគិនរបស់ខេត្តសានដុង ហើយលោកសង្ឃឹមថានៅពេលខាងមុខនេះ តាមរយៈទំនាក់ទំនង និងសកម្មភាពដ៏ល្អប្រសើរនេះ នឹងជួយជំរុញឲ្យអ្នកវិនិយោគខេត្តសានដុង ក៏ដូចជាអ្នកវិនិយោគចិន មកវិនិយោគកាន់តែច្រើននៅក្នុងទឹកដី នៃខេត្តស្វាយរៀង ។

មានប្រសាសន៍ក្នុងជំនួបនេះ ឯកឧត្ដមអភិបាលខេត្ត បានជម្រាបជូនអំពីស្ថានភាពទូទៅ និងសក្ដានុពលសំខាន់ៗរបស់ខេត្តស្វាយរៀង ព្រមទាំងបានសម្ដែងនូវការអរគុណចំពោះគណៈប្រតិភូអគ្គនាយកដ្ឋានពាណិជ្ជកម្មខេត្តសានដុង ដែលមានការចាប់អារម្មណ៍ និងមកបំពេញទស្សនកិច្ចក្នុងទឹកដីនៃខេត្តស្វាយរៀង ។

ទន្ទឹមនេះ ឯកឧត្ដមអភិបាលខេត្ត ក៏បានបញ្ជាក់បន្ថែមថា អាជ្ញាធរខេត្ត សូមស្វាគមន៍ គាំទ្រ និងសម្របសម្រួលសហការជានិច្ច ដើម្បីផ្ដល់ភាពកក់ក្ដៅ ជំនឿទុកចិត្ត និងបង្កលក្ខណៈងាយស្រួលគ្រប់សព្វបែបយ៉ាង និងគាំទ្រយ៉ាងពេញទំហឹងចំពោះអ្នកវិនិយោគទាំងអស់ដែលមានបំណងចង់មកវិនិយោគក្នុងទឹកដីនៃខេត្តស្វាយរៀង រួមទាំងអ្នកវិនិយោគមកពីប្រទេសចិនផងដែរ ។ តាមរយៈការបំពេញទស្សនកិច្ចនេះ ឯកឧត្ដមអភិបាលខេត្ត ក៏មានសេចក្ដីសង្ឃឹមជឿជាក់ថា នឹងអាចជួយជំរុញឲ្យសកម្មភាពវិនិយោគនៅក្នុងខេត្តស្វាយរៀងកាន់តែមានកំណើនច្រើនឡើងថែមទៀត ជាពិសេសការវិនិយោគរបស់ពាណិជ្ជករមកពីខេត្តសានដុង ហើយអាជ្ញាធរខេត្តគឺត្រៀមទទួលស្វាគមន៍ដោយក្ដីរីករាយ ៕

នាព្រឹកថ្ងៃពុធ ០៨កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសម្ពោធសាលាពុទ្ធិកបឋមសិក្សានៅវត្តពោធិ

នាព្រឹកថ្ងៃពុធ ០៨កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសម្ពោធសាលាពុទ្ធិកបឋមសិក្សានៅវត្តពោធិ៍បន្ទាយ ស្ថិតនៅឃុំកណ្តៀងរាយ ស្រុកស្វាយទាប ក្រោមអធិបតីភាពលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្ដី រដ្ឋមន្រ្ដីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ។ ក្នុងពិធីនេះ ក៏មានការអញ្ជើញចូលរួមពីឯកឧត្ដម លោកជំទាវសមាជិករដ្ឋសភា សមាជិកព្រឹទ្ធសភា ក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង និងស្រុកស្វាយទាប ប្រធានមន្ទីរ-អង្គភាពនានាក្នុងខេត្ត តំណាងកងកម្លាំងទាំងបី លោកគ្រូ អ្នកគ្រូ សិស្សានុសិស្ស យុវជនកាយរឹទ្ធិ យុវជនកាកបាទក្រហម យាយជី តាជី ក្រុមប្រជាការពារភូមិ និងបងប្អូនប្រជាពលរដ្ឋសរុបចំនួន ៦៣០នាក់ ។

មានប្រសាសន៍ក្នុងឱកាសនោះលោកជំទាវកិត្តិសង្គហបណ្ឌិត បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងពីរតែងតែមានមនោសញ្ចេតនាស្រលាញ់រាប់អាន និងរួមសុខទុក្ខជាមួយបងប្អូនជនរួមជាតិទាំងអស់ និងជួយដោះស្រាយទុក្ខលំបាកសព្វបែប យ៉ាងគ្រប់ទីកន្លែងទូទាំងប្រទេសកម្ពុជា។

លោកជំទាវបានបន្តទៀតថា ការសម្ពោធដាក់ឲ្យប្រើប្រាស់នូវសាលាពុទ្ធិកបឋមសិក្សានាថ្ងៃនេះគឺជាអំណោយដ៏ថ្លៃថ្លាររបស់ឯកឧត្តម ចៅ ភិរុណ និងលោកជំទាវ រួមជាមួយពុទ្ធិបរិស័ទចំណុះជើងវត្ត ដែលបានចំណាយថវិកាអស់ ១៤២.៦៣៨ដុល្លារ ហើយក៏ជាការផ្សាភ្ជាប់រវាងពុទ្ធចក្រ និងអាណាចក្រ ដើម្បីចូលរួមចំណែកក្នុងការអភិវឌ្ឍន៍ជាមួយរាជរដ្ឋាភិបាល ហើយក៏បានបញ្ជាក់ឲ្យឃើញពីប្រទេសជាតិ ដែលមានសុខសន្តិភាព និងការរីកចម្រើនគ្រប់វិស័យ ក្រោមការដឹកនាំរបស់សម្តេចតេជោ នាយករដ្ឋមន្ត្រី ដែលបានអនុញ្ញតិឲ្យយើងទាំងគ្នាបានរួមគ្នាធ្វើបុណ្យទាំងអស់គ្នា ក្រោមដំបូលរដ្ឋធម្មនុញ្ញតែមួយ ។

ថ្លែងក្នុងពិធីនោះផងដែរ លោកជំទាវកិត្តិសង្គហបណ្ឌិតក៏បានសំណូមពរឲ្យបងប្អូនប្រជាពលរដ្ឋទាំងអស់ ត្រូវចូលរួមគោរពច្បាប់ចរណ៍ទាំងអស់គ្នា និងត្រូវចូលរួមបោះឆ្នោត នៅថ្ងៃទី ២៩ ខែកក្កដា ឆ្នាំ២០១៨ ដែលនឹងប្រព្រឹត្តទៅនៅពេលខាងមុខ ៕

នាព្រឹកថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ នៅសាលប្រជុំធំសាលាខេត្តស្វាយរៀង មានរៀបចំសិក្ខាសាលាផ្សព្វផ្សាយខ្លឹមសារអនុក្រឹត្យលេខ២៤០ អនក្រ.បក ស្តីពីការធ្វើប្រតិភូកម្មអំណាចទៅឱ្យគណៈអភិបាលរាជធានី ខេត្ត ក្រុង

នាព្រឹកថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ នៅសាលប្រជុំធំសាលាខេត្តស្វាយរៀង មានរៀបចំសិក្ខាសាលាផ្សព្វផ្សាយខ្លឹមសារអនុក្រឹត្យលេខ២៤០ អនក្រ.បក ស្តីពីការធ្វើប្រតិភូកម្មអំណាចទៅឱ្យគណៈអភិបាលរាជធានី ខេត្ត ក្រុង ស្រុក ក្នុងការគ្រប់គ្រងបុគ្គលិកបំពេញការងារនៅថ្នាក់ក្រោមជាតិ សេចក្តីណែនាំលេខ៧៨៨ មស.សណន ចុះថ្ងៃទី២២ ខែកុម្ភៈ ឆ្នាំ២០១៨ ស្តីពីគោលការណ៍និងនីតិវិធីនៃការតែងតាំង និងការបញ្ចប់មុខតំណែងគ្រប់គ្រងរបស់មន្រ្តីរាជការ ស៊ីវិលនៃមន្ទីរ អង្គភាព និងការិយាល័យជំនាញនានានៃក្រសួងដែលបំពេញការងារនៅថ្នាក់ក្រោមជាតិ និងសេចក្តីណែនាំលេខ៧៨៩ មស.សណន ចុះថ្ងៃទី២២ ខែកុម្ភៈ ឆ្នាំ២០១៨ ស្តីពីគោលការណ៍ បែបបទនិងនីតិវិធី នៃការគ្រប់គ្រងបុគ្គលិករដ្ឋបាលថ្នាក់ក្រោមជាតិ ក្រោមអធិបតីភាព ឯកឧត្តម ថោ សេដ្ឋាណា អនុរដ្ឋលេខាធិការ និងជាប្រធានក្រុមការងារបច្ចេកទេសវិមជ្ឈការនិងវិសហមជ្ឈការនៃក្រសួងមុខងារសាធារណៈ តំណាងឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ សមាជិក គ.ជ.អ.ប. និងជាប្រធានអនុគណៈកម្មាធិការបុគ្គលិករដ្ឋបាលថ្នាក់ក្រោមជាតិ ឯកឧត្តម ហ៊ូ វតនៈ អភិបាលរងខេត្ត តំណាងឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង ។

សិក្ខាសាលានេះ សហការរៀបចំដោយរដ្ឋបាល ខេត្តស្វាយរៀង និងមន្ទីរមុខងារសាធារណៈខេត្តស្វាយរៀង ដោយមានការអញ្ជើញចូលរួមពីសមាសភាពពាក់ព័ន្ធទាំងអស់សរុប ចំនួន ២៣១នាក់ ស្រី ៧៨នាក់ រួមមាន ៖ សមាជិកក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលសាលាខេត្ត នាយក នាយករង ប្រធាន អនុប្រធានទីចាត់ការ/អង្គភាពចំណុះសាលាខេត្ត អភិបាលក្រុង ស្រុក ក្រុមប្រឹក្សាក្រុង ស្រុក នាយក នាយករងរដ្ឋបាលសាលាក្រុង ស្រុក និងបណ្តាមន្ទីរ-អង្គភាពជំនាញនានាជុំវិញខេត្ត ៕

នៅថ្ងៃសៅរ៍ ០៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៦ ខែមិថុនា ឆ្នាំ២០១៨នេះ ឯកឧត្តម ម៉ែន​​ វិបុល​ អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីសំណេះសំណាល និងប្រគល់ជ័យលាភីប្រណាំងកង់ពានរង្វាន់ ឯកឧត្តម ម៉ែន​​ វិបុល​ អភិបាល នៃ

នៅថ្ងៃសៅរ៍ ០៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៦ ខែមិថុនា ឆ្នាំ២០១៨នេះ ឯកឧត្តម ម៉ែន​​ វិបុល​ អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីសំណេះសំណាល និងប្រគល់ជ័យលាភីប្រណាំងកង់ពានរង្វាន់ ឯកឧត្តម ម៉ែន​​ វិបុល​ អភិបាល នៃគណៈអភិបាលខេត្តស្វាយរៀង លើកទី១ ដែលប្រារព្ធធ្វើនៅសាលប្រជុំស្នងការដ្ឋាននគរបាលខេត្ត ។ ក្នុងពិធីមានការចូលរួមពីលោកស្នងការនគរបាលខេត្ត លោកប្រធានមន្ទីរ អង្គភាពនានាក្នុងខេត្ត គណៈកម្មការរៀបចំការប្រកួត និងកីឡាករ កីឡាការិនី សរុប ១៣១នាក់ ។

ថ្លែងទៅកាន់ពិធីនេះ ឯកឧត្តមអភិបាលខេត្ត បានថ្លែងនូវការអរគុណចំពោះគណៈកម្មការរៀបចំការប្រកួត និងអ្នកពាក់ព័ន្ធទាំងអស់ ជាពិសេសលោកឧត្ដមសេនីយ៍ស្នងការនគរបាលខេត្ត
ដែលបានសហការគាំទ្រ និងជួយឧបត្ថម្ភសម្រាប់ការរៀបចំព្រឹត្តិការណ៍ការប្រកួតប្រណាំងកង់នេះឡើង និងក៏សូមចូលរួមអបអរសាទរ ចំពោះអ្នកដែលទទួលបានជ័យលាភីចំណាត់ថ្នាក់ល្អនៅការប្រកួត ព្រមទាំងបានចាត់ទុកព្រឹត្តិការណ៍ នៃការប្រកួតប្រណាំងកង់នៅថ្ងៃនេះ មិនត្រឹមតែបាន​ជួយបង្កើនចំណងមិត្តភាព សាមគ្គីភាព និងសុខភាព ប៉ុណ្ណោះទេ ប៉ុន្តែក៏បានឆ្លុះបញ្ចាំង​​ឲ្យឃើញ​ពីការរីកចម្រើន នៃវិស័យ​កីឡាក្នុងខេត្ត បន្ថែមទៅលើសមិទ្ធផលប្រកបដោយមោទនភាព ដែលខេត្តស្វាយរៀងសម្រេចបាននាពេលកន្លងមក ជាពិសេសនៅក្នុងព្រឹត្តិការណ៍កីឡាជាតិលើកទី២ កាល​​ពីពេលថ្មីៗនេះ ។

ដោយមើលឃើញពីសកម្មភាព និងផុលផុស នៃក្រុមធាក់កង់នៅក្នុងខេត្តបែបនេះ ឯកឧត្ដមអភិបាលខេត្ត ក៏បានស្នើ និងលើកទឹកចិត្តដល់មន្ទីរអប់រំ យុវជន និងកីឡាខេត្ត ធ្វើការពិនិត្យលទ្ធភាព រៀបចំក្រុមកីឡា​​ប្រណាំងកង់នេះ ឲ្យមានយន្តការដឹកនាំគ្រប់គ្រង និងរចនាសម្ព័ន្ធច្បាស់លាស់ ដើម្បីអភិវឌ្ឍន៍​ប្រភេទកីឡានេះឲ្យកាន់តែមានសកម្មភាព ប្រកបដោយគុណភាព និងត្រៀម​សម្រាប់បញ្ចូលទៅក្នុងប្រភេទកីឡា ដែលត្រូវចូលរួមប្រកួតកីឡាជាតិលើកទី៣ ឆ្នាំ២០២០ខាងមុខ និងសំណូមពរដល់មន្ទីរ-អង្គភាពនានាដែលមានលទ្ធភាព អាចបី ឬបួនមន្ទីរ-អង្គភាពសហការឧបត្ថម្ភគាំទ្រប្រភេទកីឡាណាមួយ ដើម្បីកីឡាក្នុងខេត្តរបស់យើង​​កាន់តែមានការអភិវឌ្ឍ និងមានសមត្ថភាពក្នុងការប្រកួតប្រជែងខ្ពស់ជាមួយបណ្ដារាជធានី ខេត្តផ្សេងទៀត ។

ជាចុងបញ្ចប់ ឯកឧត្ដមអភិបាលខេត្ត បានអំពាវនាវដល់មន្ត្រីរាជការ កងកម្លាំងប្រដាប់អាវុធ និងបងប្អូនប្រជាពលរដ្ឋទាំងអស់ដែលមានឈ្មោះក្នុងបញ្ជីបោះឆ្នោត សូមត្រៀម​រៀបចំឯកសារបោះឆ្នោតឲ្យបានគ្រប់គ្រាន់ និងអញ្ជើញទៅចូលរួមបោះឆ្នោត នៅថ្ងៃទី២៩ ខែកក្កដា ឆ្នាំ២០១៨ ខាងមុខ ឲ្យបានគ្រប់ៗគ្នា ។

សូមបញ្ជាក់ថា ការប្រណាំងកង់នេះមានការចូលរួមពីកីឡាករ កីឡាការិនីចូលរួមប្រកួត ៨១នាក់ ស្រី១១នាក់ លើចង្ងាយផ្លូវប្រវែង ៣០ គីឡូម៉ែត្រ (ដោយចេញដំណើរ ពីទីរួមខេត្ត រហូតដល់ប៉ុស្តិ៍រដ្ឋបាលសង្កែ ស្រុករំដួល និងជិះត្រឡប់មកវិញ) ដែលលទ្ធផលជ័យលាភីចំណាត់ថ្នាក់លេខ១​ ទទួលបានពានរង្វាន់១ ទង់ជ័យលាភី១ មេដាយមាស១ និងប្រាក់រង្វាន់ ​១ លានរៀល លេខ២​ ទទួលបានទង់ជ័យលាភី១ មេដាយប្រាក់១ និងប្រាក់រង្វាន់ ៨០ ម៉ឺនរៀល​ លេខ៣ ទទួលបានទង់ជ័យលាភី១ មេដាយសំរឹទ្ធិ១ និងប្រាក់រង្វាន់ ៦០ ម៉ឺនរៀល និងលេខ៤ ទទួលបានទង់ជ័យលាភី១ និងប្រាក់រង្វាន់ ៣០ម៉ឺនរៀល រីឯអ្នកដែលគ្មានចំណាត់ថ្នាក់ក្នុងមួយនាក់ ទទួលបាន ថវិកាលើកទឹកចិត្ត ៥ម៉ឺនរៀល ផងដែរ ៕

អត្ថបទ​ផ្សេងៗ​ទៀត...

  1. នៅព្រឹកថ្ងៃសៅរ៍ ០៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៦ ខែមិថុនា ឆ្នាំ២០១៨ នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង ឯកឧត្តម ម៉ែន វិបុល អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង
  2. នាព្រឹកថ្ងៃព្រហស្បតិ៍ ២កើត ខែបឋមាសាធ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែមិថុនា ឆ្នាំ២០១៨ នេះ មជ្ឈមណ្ឌលការងារខេត្តស្វាយរៀង សហការជាមួយសាកលវិទ្យាល័យស្វាយរៀង សហភាពសហព័ន្ធយុវជនកម្ពុជាខេត្តស្វាយរៀង បានរៀបចំវេទិកាការងារស្តីពី "ឱកាសការងារ និង
  3. នៅរសៀលថ្ងៃពុធ ១កើត ខែបឋមសាធ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ខែមិថុនា ឆ្នាំ២០១៨នេះ នៅសាលប្រជុំសាលាខេត្ត រដ្ឋបាលខេត្តស្វាយរៀង បានរៀបចំកិច្ចប្រជុំពង្រឹងក្រុមការងារផ្សព្វផ្សាយបណ្តាញសង្គមប្រចាំខេត្តស្វាយរៀង ក្រោមអធិបតីភាព ឯកឧត្តម តូច ប៉ូលីវ៉ា
  4. នាព្រឹកថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំពិធីប្រកាសចូលកាន់តំណែងប្រធានមន្ទីរកិច្ចការនារីខេត្ត ក្រោមអធិបតីភាពលោកជំទាវវេជ្ជបណ្ឌិត អ៊ឹង កន្ថាផាវី រដ្ឋមន្ត្រីក្រសួង

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 3

ម្សិលមិញ 7

សប្តាហ៍ 3

ខែ 96

សរុប 7051