ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

ព្រះរាជពិធីច្រត់ព្រះនង្គ័ល និងតាំងពិព័រណ៍ផលិតផល​កសិកម្ម សិប្បកម្មក្នុងស្រុក នៅភូមិស្រះវង់ សង្កាត់ស្វាយ​រៀ​ង ក្រុងស្វាយរៀង ខេត្តស្វាយរៀង

នាព្រឹកថ្ងៃព្រហស្បតិ៍ ០៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៣ ខែឧសភា ឆ្នាំ២០១៨នេះ ខេត្តស្វាយរៀងពិតជាមានមហាកិត្តិយសក្រៃលែង ដោយបានទទួលនូវព្រះវត្តមានដ៏ថ្លៃថ្លារបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្ដេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង័្គល និងយាងទតពិព័រណ៌ផលិតផលកសិកម្ម និងសិប្បកម្មក្នុងស្រុក និងលទ្ធផលសកម្មភាពការងាររបស់ក្រសួង ស្ថាប័នថ្នាក់ជាតិ រដ្ឋបាលខេត្តស្វាយរៀង មន្ទីរ-អង្គភាពនានាជុំវិញខេត្ត រដ្ឋបាលក្រុង ស្រុកទាំង៨ក្នុងខេត្តស្វាយរៀង ។

ក្នុងឱកាសដ៏មហានក្ខត្តឫក្ស នៃព្រះរាជពិធីច្រត់ព្រះនង្គ័ល ឆ្នាំ២០១៨នេះ ព្រះករុណាជាអម្ចាស់ជីវិតលើត្បូង ទ្រង់បានប្រោសព្រះរាជទានឲ្យ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង ជាស្តេចមាឃ និងលោកជំទាវ ឈុន ណារី ជាមេហួ ព្រមទាំងអមដោយឯកឧត្តម ហួត ប៊ុណ្ណារី អនុរដ្ឋលេខាធិការ ក្រសួងកសិកម្ម កាន់នង្គ័លយោងខាងមុខ និងឯកឧត្តម កុល ប៊ុនលី រដ្ឋលេខាធិការ ក្រសួងព្រះបរមរាជវាំង កាន់នង្គ័លអមខាងក្រោយ នៅទីព្រះស្រែ ភូមិស្រះវង់ សង្កាត់ស្វាយរៀង ក្រុងស្វាយរៀង ខេត្តស្វាយរៀង ។

ក្នុងព្រះរាជពិធីប្រកបដោយភាពអធិកអធមនេះផងដែរ ក៏មានព្រះវត្តមាន និងវត្តមានអញ្ជើញចូលរួមពីព្រះញាតិវង្សានុវង្ស សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ឯកឧត្តម លោកជំទាវ សមាជិក សមាជិកា ព្រឹទ្ធសភា-រដ្ឋសភា រាជរដ្ឋាភិបាល អង្គទូតនានា ឯកឧត្ដមនាយឧត្ដមសេនីយ៍ ឯកឧត្ដម លោកជំទាវជាសមាជិក សមាជិកាក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ឯកឧត្តមប្រធានក្រុមប្រឹក្សារាជធានី-ខេត្ត ឯកឧត្តម លោកជំទាវ អភិបាលរាជធានី-ខេត្ត គណៈប្រិតភូខេត្តតៃនិញ-ខេត្តឡុងអាន នៃសាធារណៈរដ្ឋសង្គមនិយមវៀតណាម ឯកឧត្តម លោកជំទាវ លោក លោកស្រីថ្នាក់ដឹកនាំខេត្ត ក្រុង ស្រុក ឃុំ សង្កាត់ មន្រ្តីរាជការ កងកម្លាំងប្រដាប់អាវុធ ព្រះសង្ឃ លោកគ្រូ អ្នកគ្រូ សាស្រ្តាចារ្យ សិស្ស និស្សិត គរុសិស្ស យុវជនសហភាពសហព័ន្ធយុវជនកម្ពុជាខេត្ត យុវជនកាកបាទក្រហម យុវជនកាយរឹទ្ធិ ព្រមទាំងបងប្អូនប្រជាពលរដ្ឋក្នុងខេត្តស្វាយរៀង ប្រមាណជាង ២០.០០០អង្គ/នាក់ ។

ក្នុងកាលវេលានោះ បន្ទាប់ពីឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង ដែលត្រូវបានប្រោសព្រះរាជទានធ្វើជាស្តេចមាឃ តំណាងដ៏ខ្ពង់ខ្ពស់របស់ព្រះករុណាជាអម្ចាស់ជីវិតលើត្បូង ព្រះមហាក្សត្រ កាន់ព្រះនង្គ័លភ្ជួរលើទីវាលព្រះស្រែ និងព្រោះគ្រាប់ស្រូវដោយលោកជំទាវ ឈុន ណារី ដែលត្រូវបានប្រោសព្រះរាជទាន ជាមេហួ ធ្វើដំណើរជាទក្ខិណាព័ទ្ធ ៣ជុំ ទីវាលព្រះស្រែ ដោយក្បួនព្រះនង្គ័លចាប់ចេញដំណើរពីរោងមណ្ឌលទិសនិរតី នឹងត្រូវទៅឈប់ដោះគោចេញពីនឹម បញ្ចប់ការច្រត់ព្រះនង្គ័លនៅរោងមណ្ឌលទិសបូព៌ រួចមក ព្រាហ្មណ៍ព្រះរាជគ្រូ ដោះយកគោឧសភរាជទៅបរិភោគគ្រាប់ធញ្ញជាតិចំនួន ៧មុខ រួមមាន៖ ស្រូវ ពោត សណ្តែក ល្ង ស្មៅ ស្រា និងទឹក ដែលបានរៀបចំទុករួចជាស្រេច នៅចំកណ្ដាលទីវាលព្រះស្រែ ។

ក្នុងចំណោមធញ្ញជាតិទាំង ៧មុខនោះ គោឧសភរាជបរិភោគស្រូវ ៩៥ភាគរយ ពោត ៩៥ភាគរយ និងសណ្តែក ៨០ភាគរយ ដោយឡែកល្ង ស្មៅ ស្រា និងទឹក គោមិនបរិភោគនោះទេ ។

បន្ទាប់ពីបញ្ចប់ព្រះរាជពិធីជាស្ថាពរ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា អមព្រះរាជដំណើរដោយសម្ដេច ទ្រង់ ឯកឧត្ដម លោកជំទាវ លោក លោកស្រីអ្នកមុខ អ្នកការ ស្ដេចទ្រង់យាងទតពិព័រណ៍របស់ក្រសួង ស្ថាប័ន អង្គភាព ទាំងថ្នាក់ជាតិ និងទាំងថ្នាក់ក្រោមជាតិ ដែលបានដាក់តាំងបង្ហាញនៅក្នុងព្រះរាជពិធីច្រត់ព្រះនង្គ័ល រហូតអស់ស្តង់ពិព័រណ៍ មុននឹងព្រះករុណាជាអម្ចាស់ជីវិតលើត្បូង ស្ដេចយាងព្រះរាជនិវន្តន៍ទៅកាន់ព្រះបរមរាជវាំង នៅរាជធានីភ្នំពេញវិញ នាវេលាម៉ោងប្រមាណជា ១១:៣០នាទីព្រឹក ៕

 

 

 

 

 

 

 

 

 

នាព្រឹកថ្ងៃព្រហស្បតិ៍ ៩កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំបូកសរុបលទ្ធផលការងារប្រចាំខែមករា និងលើកទិសដៅការងារខែកុម្ភៈ ឆ្នាំ២០១៨

 

នាព្រឹកថ្ងៃព្រហស្បតិ៍ ៩កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំបូកសរុបលទ្ធផលការងារប្រចាំខែមករា និងលើកទិសដៅការងារខែកុម្ភៈ ឆ្នាំ២០១៨ របស់រដ្ឋបាលខេត្ត ក្រោមអធិបតីភាពឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង ។ ក្នុងកិច្ចប្រជុំនេះ មានការអញ្ជើញចូលរួមពីសំណាក់ឯកឧត្ដម លោកជំទាវអភិបាលរងខេត្ត លោក លោកស្រីនាយក នាយករងរដ្ឋបាលសាលាខេត្ត ឯកឧត្ដមសាកលវិទ្យាធិការសាកលវិទ្យាល័យស្វាយរៀង លោកតំណាងសាលាដំបូងខេត្ត លោកព្រះរាជអាជ្ញារងខេត្ត លោកស្នងការនគរបាលខេត្តស្ដីទី លោកមេបញ្ជាការរងតំបន់ប្រតិបត្តិសឹករងស្វាយរៀង លោកមេបញ្ជាការរងកងរាជអាវុធហត្ថខេត្ត លោក លោកស្រីប្រធានមន្ទីរ-អង្គភាពនានាជុំវិញខេត្ត លោកអភិបាលក្រុង ស្រុក លោក លោកស្រីនាយកទីចាត់ការ/ប្រធានអង្គភាពសាលាខេត្ត ប្រធានច្រកទ្វារព្រំដែន និងមន្ត្រីពាក់ព័ន្ធមួយចំនួន ។

 

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានសម្ដែងនូវការកោតសរសើរ និងថ្លែងអំណរគុណ ដល់គ្រប់បណ្ដាមន្ទីរ-អង្គភាព ក្រុង ស្រុក មន្ត្រីរាជការ និងកងកម្លាំងប្រដាប់អាវុធទាំងអស់ ដែលបានសហការយ៉ាងសកម្មចូលរួមចំណែកជាមួយរដ្ឋបាលខេត្តក្នុងកិច្ចអភិវឌ្ឍន៍មួលដ្ឋាន ការផ្ដល់សេវាសាធារណៈ និងការថែរក្សាសន្តិសុខ សុវត្ថិភាព សណ្ដាប់ធ្នាប់សាធារណៈ ព្រមទាំងដោះស្រាយបញ្ហា ឆ្លើយតបនឹងតម្រូវការជាក់ស្ដែងរបស់ប្រជាពលរដ្ឋ ប្រកបដោយប្រសិទ្ធភាព នាកន្លងមកនេះ ។ ទន្ទឹមនេះ ឯកឧត្ដមអភិបាលខេត្ត ក៏បានធ្វើការផ្ដាំផ្ញើដល់មន្ទីរអង្គភាព រដ្ឋបាលក្រុង ស្រុក កងកម្លាំងប្រដាប់អាវុធ និងអ្នកពាក់ព័ន្ធទាំងអស់ ឲ្យបន្តយកចិត្តទុកដាក់នូវកិច្ចការសំខាន់ៗមួយចំនួន ដើម្បីថែរក្សានូវសន្តិសុខសុវត្ថិភាព សណ្ដាប់ធ្នាប់សាធារណៈ ព្រមទាំងបម្រើផលប្រយោជន៍ និងសេចក្ដីត្រូវការរបស់ប្រជាពលរដ្ឋនៅមូលដ្ឋាន ឲ្យបានកាន់តែល្អប្រសើរប្រសើរ ៕

 

 

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យ និងរកដំណោះស្រាយចំពោះសំណើរបស់ប្រជាពលរដ្ឋដែលបានស្នើសុំមករដ្ឋបាលខេត្តនាពេលកន្លងមក ហើយនៅសេសសល់មិនទាន់ដោះស្រាយរួច

នាព្រឹកថ្ងៃអង្គារ ៧កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៣ ខែមករា ឆ្នាំ២០១៨នេះ នៅសាលប្រជុំសាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យ និងរកដំណោះស្រាយចំពោះសំណើរបស់ប្រជាពលរដ្ឋដែលបានស្នើសុំមករដ្ឋបាលខេត្តនាពេលកន្លងមក ហើយនៅសេសសល់មិនទាន់ដោះស្រាយរួច ។

ក្នុងកិច្ចប្រជុំនេះមានការអញ្ជើញចូលរួមពីឯកឧត្ដមអភិបាលរងខេត្ត លោក លោកស្រីនាយករងរដ្ឋបាល លោកប្រធានមន្ទីរ-អង្គភាព និងអាជ្ញាធរស្រុក ឃុំពាក់ព័ន្ធ ព្រមទាំងលោកនាយក និងមន្ត្រីទីចាត់ការអន្តរវិស័យសាលាខេត្ត ។

មានប្រសាសន៍ក្នុងកិច្ចប្រជុំនេះ ឯកឧត្ដមអភិបាលខេត្ត បានជំរុញដល់គ្រប់ភាគីពាក់ព័ន្ធទាំងអស់ត្រូវបន្តសហការខិតខំចុះដោះស្រាយរាល់សំណើដែលប្រជាពលរដ្ឋស្នើសុំឲ្យបានលឿន ឆាប់រហ័ស ត្រឹមត្រូវស្របតាមច្បាប់ និងលិខិតបទដ្ឋានគតិយុត្ត ជាពិសេសឲ្យទទួលបានលទ្ធផលល្អប្រសើរ ដើម្បីធានា និងបង្កើននូវជំនឿទុកចិត្តរបស់ប្រជាពលរដ្ឋមកលើអាជ្ញាធរសាធារណៈ ៕

 

ឯកឧត្តម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធិបិទសន្និបាតបូកសរុបលទ្ធផលការងារអប់រំ យុវជន និងកីឡាឆ្នាំសិក្សា ២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨

នាព្រឹកថ្ងៃសុក្រ ៣កើត ខែមាឃ ឆ្នាំរកា​ នព្វស័ក ព.ស២៥៦១ ត្រូវនឹងថ្ងៃទី១៩ ខែមករា ឆ្នាំ២០១៨ ឯកឧត្តម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធិបិទសន្និបាតបូកសរុបលទ្ធផលការងារអប់រំ យុវជន និងកីឡាឆ្នាំសិក្សា ២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨ នៅសាលប្រជុំមន្ទីរអប់រំ យុវជន និងកីឡាខេត្តស្វាយរៀង

ពិធីនេះមានការអញ្ជើញចូលរួមពីលោក លោកស្រីប្រធាន អនុប្រធានមន្ទីរអប់រំ យុវជន និងកីឡាខេត្តស្វាយរៀង តំណាងក្រសួងអប់រំ យុវជន និងកីឡា លោក លោកស្រីប្រធានមន្ទីរនានាជុំវិញខេត្ត លោក លោកស្រីប្រធានការិយាល័យ និងបុគ្គលិកមន្ទីរ តំណាងអង្គការ និងដៃគូអភិវឌ្ឍន៍ លោក លោកស្រីប្រធានការិយាល័យក្រុង ស្រុកទាំង៨​ លោកប្រធានកម្រង និងលោកនាយកសាលា

ក្នុងឱកាសនោះ ឯកឧត្តមអភិបាលរងខត្ត ក៏បានផ្តល់កិត្តិយសជូនទង់ជ័យលាភី និងប័ណ្ណសរសើរដល់សាលាដែលមានស្នាដៃបំពេញការងារល្អនៅក្នុងឆ្នាំសិក្សា២០១៦-២០១៧ ផងដែរ ៕

 

អត្ថបទ​ផ្សេងៗ​ទៀត...

  1. ឯកឧត្តម តូច ប៉ូលីវ៉ា​ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីភាពក្នុងពិធិបើកសន្និបាតបូកសរុបការងារលទ្ធផលការងារអប់រំ យុវជន និងកីឡាឆ្នាំសិក្សា២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨
  2. កិច្ចប្រជុំវិសាមញ្ញលើកទី១១ អាណត្តិទី២ របស់ក្រុមប្រឹក្សាខេត្ត ដើម្បីអនុម័តសេចក្ដីព្រាងរបាយការណ៍ស្ដីពីវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង ឆ្នាំ២០១៧ ក្រោមអធិបតីភាពឯកឧត្ដមបណ្ឌិត គឹម ធា ប្រធានក្រុមប្រឹក្សា
  3. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបពិភាក្សាការងារជាមួយគណៈប្រតិភូសមាគមទឹកចិត្តសប្បុរសធម៌ ប៉ាយសួយឡាវយាន នៃប្រទេសចិន ដឹកនាំដោយលោក CP Jacky
  4. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងលោកមេបញ្ជាការកងរាជអាវុធហត្ថខេត្ត លោកប្រធានមន្ទីរធនធានទឹក និងឧតុនិយមខេត្ត លោកនាយករងវិទ្យាល័យស្វាយរៀង និងមន្ត្រីជំនាញនៃមន្ទីរសាធារណការ និងដឹកជញ្ជូនខេត្ត អញ្ជើញចុះពិនិត្យគម្រោងស្ថាបនាអាងស្ដុកទឹក និងលូ

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 0

ម្សិលមិញ 4

សប្តាហ៍ 4

ខែ 141

សរុប 6872