ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

កិច្ចប្រជុំសាមញ្ញលើកទី៤២ ឆ្នាំទី៤ អាណត្តិទី២ របស់ក្រុមប្រឹក្សាខេត្តស្វាយរៀង

នាព្រឹកថ្ងៃទី៣០ ខែវិច្ឆិកា ឆ្នាំ២០១៧នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំសាមញ្ញលើកទី៤២ ឆ្នាំទី៤ អាណត្តិទី២ របស់ក្រុមប្រឹក្សាខេត្តស្វាយរៀង ក្រោមអធិបភាពឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងមានការអញ្ជើញចូលរួមពីសំណាក់ឯកឧត្ដម ពេជ សាវ៉ាន់ និងឯកឧត្ដម ហ៊ូ វតនៈ អភិបាលរង នៃគណៈអភិបាលខេត្ត ឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត លោក លោកស្រី នាយក នាយករងរដ្ឋបាល លោកប្រធានមន្ទីរព័ត៌មានខេត្ត លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យសាលាខេត្ត ។

របៀបវារៈនៃកិច្ចប្រជុំនេះ រួមមាន ៖
១.អនុម័តលើសេចក្ដីព្រាងរបៀបវារៈនៃកិច្ចប្រជុំ
២.ការពិនិត្យអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី៤១
៣.ការអនុម័តរបាយការណ៍បូកសរុបលទ្ធផលការងារប្រចាំខែវិច្ឆិកា និងទិសដៅការងារខែធ្នូ ឆ្នាំ២០១៧ របស់រដ្ឋបាលខេត្ត
៤.ស្ដាប់របាយការណ៍ប្រចាំខែវិច្ឆិកា និងទិសដៅការងារខែធ្នូ ឆ្នាំ២០១៧ របស់ គកសក ខេត្ត
៥.ស្ដាប់របាយការណ៍ប្រចាំខែវិច្ឆិកា និងទិសដៅការងារខែធ្នូ ឆ្នាំ២០១៧ របស់គណៈកម្មាធិការលទ្ធកម្មរដ្ឋបាលខេត្ត
៦.ការអនុម័តសេចក្ដីព្រាងសេចក្ដីសម្រេចស្ដីពីការបែងចែកតួនាទីភារកិច្ច និងរបៀបរបបការងារជូនគណៈអភិបាលខេត្ត
៧.ការអនុម័តសេចក្ដីព្រាងសេចក្ដីសម្រេចស្ដីពីការកែសម្រួលសមាសភាពគណៈកម្មាធិការលទ្ធកម្មរដ្ឋបាលខេត្ត
៨.ការអនុម័តសេចក្ដីព្រាងសេចក្ដីសម្រេចស្ដីពីការកែសម្រួលសមាសភាពគណៈកម្មាធិការរៀបចំដែនដី និងនគរូបនីយកម្មខេត្តស្វាយរៀង
៩.ការអនុម័តសេចក្ដីព្រាងសេចក្ដីសម្រេចស្ដីពីការកែសម្រួលសមាសភាពនៃការរៀបចំ និងការប្រព្រឹត្តទៅរបស់លេខាធិការដ្ឋាន នៃគណៈកម្មាធិការរៀបចំដែនដី និងនគរូបនីយកម្មខេត្តស្វាយរៀង
១០.ការបោះឆ្នោតលើការការតែងតាំង និងប្រគល់ភារកិច្ចជូនមន្ត្រីរាជការ
១១.សេចក្ដីផ្សេងៗ (កិច្ចប្រជុំសាមញ្ញក្រុមប្រឹក្សាខេត្តលើកទី៤៣ ប្រព្រឹត្តទៅនៅថ្ងៃទី២៨ ខែធ្នូ ឆ្នាំ២០១៧) ៕

កិច្ចប្រជុំអន្តរទីចាត់ការរបស់រដ្ឋបាលសាលាខេត្ត

នារសៀលថ្ងៃទី២៨ ខែវិច្ឆិកា ឆ្នាំ២០១៧នេះ លោក រស់ ផារិទ្ធ នាយករដ្ឋបាលសាលាខេត្ត បានដឹកនាំការប្រជុំអន្តរទីចាត់ការ ដោយមានការចូលរួមពីលោកស្រីនាយករងរដ្ឋបាល លោក លោកស្រីនាយក នាយករងទីចាត់ការ ប្រធាន អនុប្រធានអង្គភាពលទ្ធកម្ម ប្រធាន អនុប្រធានការិយាល័យ និងមន្ត្រីរាជការសាលាខេត្ត ចំនួន ៥០រូប នៅសាលប្រជុំសាលាខេត្ត ។

ក្នុងឱកាសនោះ បន្ទាប់ពីមានការលើកឡើងពីលទ្ធផលសំខាន់ៗនៅតាមបណ្ដាទីចាត់ការ/អង្គភាព និងការចូលរួមមតិយោបល់ពីសំណាក់សមាជិកអង្គប្រជុំ លោកនាយករដ្ឋបាលបានដាក់ចេញនូវទិសដៅការងារមួយចំនួនដល់ទីចាត់ការ អង្គភាព និងមន្រ្តីរាជការសាលាខេត្ត ឲ្យបន្តពង្រឹងការសាមគ្គីភាព ឯកភាពផ្ទៃក្នុង យោគយល់អធ្យាស្រ័យ និងរួមសហការគ្នាបំពេញការងារតាមតួនាទីភារកិច្ច ក្នុងនាមជាសេនាធិការរបស់ក្រុមប្រឹក្សាខេត្ត និងគណៈអភិបាលខេត្ត ឲ្យសម្រេចបានលទ្ធផលជោគជ័យ ធានាបាននូវនិរន្តភាពការងាររដ្ឋបាលប្រចាំថ្ងៃ និងផ្ដល់សេវាជូនប្រជាពលរដ្ឋឲ្យបានកាន់តែល្អប្រសើរ ៕

 

 

កិច្ចប្រជុំបូកសរុបលទ្ធផលការងាររយៈពេល ១០ខែឆ្នាំ២០១៧ និងលើកផែនការសកម្មភាពបន្តឆ្នាំ២០១៨ របស់គណៈកម្មការខេត្តប្រយុទ្ធប្រឆាំងអំពើជួញដូរមនុស្ស

នាព្រឹកថ្ងៃទី២៨ ខែវិច្ឆិកា ឆ្នាំ២០១៧នេះ នៅសាលប្រជុំសាលាខេត្តលោកជំទាវ ពៅ សុភាព អភិបាលរង នៃគណៈអភិបាលខេត្តស្វាយរៀង
បានអញ្ជើឹញដឹកនាំកិច្ចប្រជុំបូកសរុបលទ្ធផលការងាររយៈពេល ១០ខែឆ្នាំ២០១៧ និងលើកផែនការសកម្មភាពបន្តឆ្នាំ២០១៨ របស់គណៈកម្មការខេត្តប្រយុទ្ធប្រឆាំងអំពើជួញដូរមនុស្ស ដោយមានការចូលរូមពីលោកស្រីនាយករងរដ្ឋបាលសាលាខេត្ត មន្ទីូរ-អង្គភាពពាក់ព័ន្ធ តំណាងកងកម្លាំងទាំងបីអភិបាលរងក្រុង ស្រុក និងអង្គការដៃគូរ សរុបចំនួន ៤៧នាក់ ៕

ពិធីបិទវគ្គបណ្តុះបណ្តាលស្តីពីការលើកកម្ពស់តួនាទី ភារកិច្ចក្នុងកិច្ចសហការសកម្មភាពបោសសម្អាតមីន និងសំណល់ជាតិផ្ទុះពីសង្រ្គាម ដល់អាជ្ញាធរមូលដ្ឋាន (ភូមិ) និងមន្ត្រីនគរបាលជាតិ

នារសៀលថ្ងៃទី២៧ ខែវិច្ឆិកា ឆ្នាំ ២០១៧នេះ នៅសាលប្រជុំសាលាខេត្ត ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីការលើកកម្ពស់តួនាទី ភារកិច្ចក្នុងកិច្ចសហការសកម្មភាពបោសសម្អាតមីន និងសំណល់ជាតិផ្ទុះពីសង្រ្គាម ដល់អាជ្ញាធរមូលដ្ឋាន (ភូមិ) និងមន្ត្រីនគរបាលជាតិ មានការចូលរួមពីអង្គភាព CMAC លោកនាយប៉ុស្តិ៍នគរបាលរដ្ឋបាលឃ៉ំ និងលោកមេភូមិ មកពីស្រុករមាសហែក និងស្រុកស្វាយជ្រំ ។

វគ្គបណ្តុះបណ្តាលនេះរៀបចំឡើងក្នុងគោលបំណង ៖

១.កសាងសមត្ថភាពលើការចូលរួមរបស់អាជ្ញាធរមូលដ្ឋានភូមិ-ឃ៉ំក្នុងការរួមចំណែកកាត់បន្ថយគ្រោះថ្នាក់មីន និងអាវុធយុទ្ធភ័ណ្ឌមិនទាន់ផ្ទុះ

២.ផ្តល់ចំណេះដឹង លើកកម្ពស់តួនាទីក្នុងការអនុវត្តគោលនយោបាយ «ភូមិ-ឃ៉ំមានសុវត្ថិភាព» លើការងារគ្រោះថ្នាក់ដោយសារមីន និងអាវុធយុទ្ធភ័ណ្ឌមិនទាន់ផ្ទុះ

៣.បង្កើនសមត្ថភាពបន្ថែមលើជំនាញអភិវឌ្ឍន៍សហគមន៍

៤.ព័ត៌មានសុវត្ថិភាពពីការសម្គាល់គ្រាប់មីនមាន២៧ប្រភេទ និងការសម្គាល់គ្រាប់មិនទាន់ផ្ទុះ(UXO)មិនមែនជាគ្រាប់ស្អុយទេ

៥.ទង្វើដែលនាំឲ្យមានគ្រោះថ្នាក់ និងផលវិបាកបណ្តាលមកពីមីន និងគ្រាប់មិនទាន់ផ្ទុះ

៦.ជំនាញទំនាក់ទំនង និងសម្របសម្រួលក្នុងសហគមន៍ ការចូលរួមរបស់សហគមន៍ ការប្រើប្រាស់ធនធានសហគមន៍ ការរៀបចំឥរិយាបថចូលក្នុងសហគមន៍ និងនិរន្តរ៍ភាព

៧.ការរៀបចំបំពេញទម្រង់បែបបទរបាយការណ៍ និងសំណើស៉ំកម្ទេចបោសសម្អាតមីន និងអាវុធយុទ្ធភ័ណ្ឌមិនទាន់ផ្ទុះ ៕

អត្ថបទ​ផ្សេងៗ​ទៀត...

  1. ពិធីសម្ពោធសាលាជំនាន់ថ្មី នៅភូមិស្វាយព្រហូត ឃ៉ុំគោកព្រីង ស្រុកស្វាយជ្រំ ខេត្តស្វាយរៀង និងពិធីអបអរសាទរខួបអនុស្សាវរីយលើកទី១០ នៃការបង្កើតអង្គការឆាលហ្វានកម្ពុជា
  2. កិច្ចប្រជុំក្រុមការងារសម្របសម្រួលដោះស្រាយបញ្ហាពាក់ព័ន្ធនឹងការងារស្រូវ អង្ករនៅមូលដ្ឋានខេត្តស្វាយរៀង
  3. វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង លើកទី៤ អាណត្តិទី២នៅបរិវេណវត្តបន្ទាយ ឃុំកណ្ដៀងរាយ ស្វាយទាប
  4. ពិធីសច្ចាប្រណិធាន និងបំពាក់កន្សែងជូនមេដឹកនាំកាយរឹទិ្ធ មកពីក្រុមប្រឹក្សា និងគណៈកម្មាធិការប្រតិបតិ្តកាយរឹទិ្ធជាតិកម្ពុជាក្រុង ស្រុកទាំង៨ នៅទូទាំងខេត្តស្វាយរៀង

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 0

ម្សិលមិញ 4

សប្តាហ៍ 15

ខែ 78

សរុប 5545