ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

លិខិតជូនពរសម្ដេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា

លិខិតជូនពរសម្ដេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសដ៏ប្រពៃថ្លៃថ្លា នៃថ្ងៃខួបកំណើតគម្រប់ ៨៣ ឈានចូល ៨៤ឆ្នាំ ដែលត្រូវនឹងថ្ងៃទី២៥ ខែឧសភា ឆ្នាំ២០១៧ ៕

ក្រុមប្រឹក្សាខេត្ត គណៈអភិបាលខេត្តស្វាយរៀង ថ្នាក់ដឹកនាំ និងមន្ត្រីរាជការសាលាខេត្តស្វាយរៀង បានអញ្ជើញចូលរួមគោរពវិញ្ញាណក្ខន្ធសព លោកវរសេនីយ៍ត្រី (អនុសេនីយ៍ឯក) ម៉ៅ អេង វីរៈទាហានមួកខៀវកម្ពុជា នៅភូមិបាក់រនាស់ សង្កាត់សង្ឃ័រ ក្រុងស្វាយរៀង

នាព្រឹកថ្ងៃទី២២ ខែឧសភា ឆ្នាំ២០១៧នេះ ក្រុមប្រឹក្សាខេត្ត គណៈអភិបាលខេត្តស្វាយរៀង ថ្នាក់ដឹកនាំ និងមន្ត្រីរាជការសាលាខេត្តស្វាយរៀង បានអញ្ជើញចូលរួមគោរពវិញ្ញាណក្ខន្ធសព លោកវរសេនីយ៍ត្រី (អនុសេនីយ៍ឯក) ម៉ៅ អេង វីរៈទាហានមួកខៀវកម្ពុជា នៅភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង ។

សូមបញ្ជាក់ថា ទាហានមួកខៀវកម្ពុជា ៤រូប បានពលីជីវិតនៅប្រទេសអាហ្រិ្វកកណ្តាល ក្នុងពេលបំពេញបេសកម្មពហុខ្នាតរួមគ្នា នៃសហប្រជាជាតិ ដើម្បីស្ថិរភាពសាធារណរដ្ឋអាហ្វ្រិកកណ្ដាល កាលពីយប់ថ្ងៃទី០៨ ខែឧសភា ឆ្នាំ២០១៧ ក្នុងនោះរួមមាន: ១)អនុសេនីយ៍ទោ អ៊ឹម សំ បុគ្គលិកបើកបរ ប៊ុលដូស៊ែរ ២)ព្រិន្ទបាលទោ ស៊ាន នរិន្ទ ជំនួយការត្រួតពិនិត្យគុណភាព ៣) ព្រិន្ទបាលទោ មុំ តុលា ជំនួយការបើកបរអេស្ការវ៉ាទ័រ និង ៤) អនុសេនីយ៍ឯក ម៉ៅ អេង បុគ្គលិកពេទ្យ ។

ក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំ មន្ត្រីរាជការក្នុងខេត្តស្វាយរៀង សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារ និងសូមវិញ្ញាណក្ខន្ធនៃសព បានចាប់បដិសន្ឋិក្នុងសុគតិភពកុំបីឃ្លៀងឃ្លាតឡើយ៕

ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង ចុះទស្សនកិច្ចនៅបណ្តាតំបន់សេដ្ឋកិច្ចពិសេសនៅក្រុងបាវិត និង ទីតាំងច្រកទ្វារអន្តរជាតិបាវិត ខេត្តស្វាយរៀង

នាព្រឹកថ្ងៃទី១៩ ខែឧសភា ឆ្នាំ២០១៧នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមដំណើរដោយឯកឧត្ដមអភិបាលរងខេត្ត មន្ទីរ-អង្គភាពនានាក្នុងខេត្ត អភិបាលក្រុងបាវិត ប្រធានទីស្នាក់ការត្រួតពិនិត្យច្រកទ្វារអន្តរជាតិបាវិត និងសមត្ថកិច្ចពាក់ព័ន្ធ បានអញ្ជើញចូលរួមជាមួយឯកឧត្ដម សុខ ចិន្ដាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ឯកឧត្ដម Horinouchi Hidehisa ឯកអគ្គរដ្ឋទូតជប៉ុនប្រចាំនៅកម្ពុជា និងលោក Samiuela T.Tukuafu តំណាងធនាគារអភិវឌ្ឍន៍អាស៊ី (ADB) ប្រចាំនៅកម្ពុជា អញ្ជើញចុះទស្សនកិច្ចនៅតាមបណ្ដារោងចក្រនានា ស្ថិតនៅតំបន់សេដ្ឋកិច្ចពិសេសក្នុងក្រុងបាវិត រួមមាន រោងចក្រ Nissey (Cambodia) Co., Ltd ផលិតនាឡិកា និងគ្រឿងបង្គុំ ស្ថិតក្នុងតំបន់សេដ្ឋកិច្ចពិសេសនាគរាជ រោងចក្រ DK.INC (Cambodia) Co., Ltd ផលិតអាវធំបុរស រោងចក្រ JAPANA Teachnical Center (Cambodia) Co., Ltd ផលិតស្បែកជើងកីឡា រោងចក្រ Tokyo Parts Industial (Cambodia) Co., Ltd ផលិតខ្សែគ្រឿងបង្គុំអគ្គិសនី និងត្រង់ស្វូ ស្ថិតក្នុងតំបន់សេដ្ឋកិច្ចពិសេសតាយសេង និងរោងចក្រ Morofuji (Cambodia) Co., Ltd ផលិតថង់ និងសម្ភារវេចខ្ចប់ ស្ថិតក្នុងតំបន់សេដ្ឋកិច្ចពិសេសមេនហាតធេន ។ បន្ទាប់ពីបញ្ចប់ដំណើរទស្សនកិច្ចនៅតំបន់សេដ្ឋកិច្ចពិសេស គណៈប្រតិភូក៏បានបន្តដំណើរទៅទស្សនកិច្ចនៅច្រកទ្វារព្រំដែនអន្តរជាតិបាវិត ផងដែរ ៕

 

 

ឯកឧត្ដម ម៉ែន វិបុល អភិបាល នៃគណៈអភិបាលខេត្តបានអញ្ជើញចូលរួមក្នុងពិធីប្រគល់សញ្ញាបត្រថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ជូនដល់និស្សិត ចំនួន ១.៧៦៤នាក់ និងសម្ពោធអគារសិក្សាថ្មី កម្ពស់ ៣ជាន់ ស្មើនឹង ១៧បន្ទប់ នៃសាកលវិទ្យាល័យស្វាយរៀង

នាព្រឹកថ្ងៃទី១៨ ខែឧសភា ឆ្នាំ២០១៧នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្ត និងជាសមាជិកក្រុមប្រឹក្សាភិបាលសាកលវិទ្យាល័យស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សខេត្ត បានអញ្ជើញចូលរួមក្នុងពិធីប្រគល់សញ្ញាបត្រថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ជូនដល់និស្សិត ចំនួន ១.៧៦៤នាក់ និងសម្ពោធអគារសិក្សាថ្មី កម្ពស់ ៣ជាន់ ស្មើនឹង ១៧បន្ទប់ នៃសាកលវិទ្យាល័យស្វាយរៀង ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ក្រោមអធិបតីភាពលោកជំទាវបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។

នៅក្នុងពិធីនេះ ក៏មានការអញ្ជើញចូលរួមពីឯកឧត្ដម លោកជំទាវ សមាជិកព្រឹទ្ធសភា រដ្ឋសភា ឯកឧត្ដមទេសរដ្ឋមន្ត្រី ឯកឧត្ដម លោកជំទាវរដ្ឋលេខាធិការ អនុរដ្ឋលេខាធិការក្រសួងស្ថាប័នថ្នាក់ជាតិ ប្រធាន អនុប្រធាន និងសមាជិកក្រុមប្រឹក្សាភិបាលសាកលវិទ្យាល័យស្វាយរៀង ឯកឧត្ដមសាកលវិទ្យាធិការនៃសាកលវិទ្យាល័យនានា ឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធទាំងបី ប្រធានមន្ទីរ-អង្គភាព អភិបាលក្រុង ស្រុក លោកគ្រូ អ្នកគ្រូ សាស្ត្រាចារ្យ និងនិស្សិត សរុបប្រមាណជិត ២.០០០នាក់ នៅសាលប្រជុំសាកលវិទ្យាល័យស្វាយរៀង ៕

អត្ថបទ​ផ្សេងៗ​ទៀត...

  1. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត បានអញ្ជើញចុះពិនិត្យដំណើរការសាងសង់អគារសាលប្រជុំធំរបស់រដ្ឋបាលខេត្ត
  2. ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀងបានអញ្ជើញចូលរួមក្នុងពិធីរាប់បាត្រព្រះសង្ឃ ១៧៥អង្គ ក្នុងពិធីបុណ្យវិសាខបូជា នៅបរិវេណសួនច្បារឯកឧត្តមនាយឧត្តមសេនីយ៍ ហុក ឡងឌី (សួនពោធិ៍ព្រឹក្ស) ក្រុងស្វាយរៀង
  3. ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងព្រះរាជពិធីច្រត់ព្រះនង្គ័ល នៅទីវាលព្រះស្រែស្ថិតនៅក្នុងបរិវេណសកលវិទ្យាល័យ ជា ស៊ីម កំចាយមារ ស្រុកកំចាយមារ ខេត្តព្រៃវែង
  4. លិខិតថ្វាយព្រះពរព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 3

ម្សិលមិញ 7

សប្តាហ៍ 37

ខែ 195

សរុប 5166