ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត ក៏បានបន្តចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន

វិទ្យាល័យចំណេះទូទៅ និងបច្ចេកទេសបាវិត និងសាលាបឋមសិក្សាបាវិត បានទទួលអំណោយដ៏ថ្លៃថ្លាពីសម្ដេចតេជោនូវអគារសិក្សា អគារទីចាត់ការ និងអគារស្នាក់នៅរបស់គ្រូ និងសិស្ស សរុប ០៦ខ្នង ស្មើនឹង ៨៦បន្ទប់ ព្រមទាំងហេដ្ឋារចនាសម្ព័ន្ធមួយចំនួននៅថ្ងៃនេះ

បន្ទាប់ពីបញ្ចប់ពិធីជួបសំណេះសំណាលជាមួយបងប្អូនកម្មករ កម្មការិនី នៅរោងចក្រ ក្នុងតំបន់សេដ្ឋកិច្ចពិសេសនានា រួចមក នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត ក៏បានបន្តចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបសួរសុខទុក្ខលោកគ្រូ អ្នកគ្រួ និងសិស្សានុសិស្ស នៅវិទ្យាល័យចំណេះទូទៅ និងបច្ចេកទេសបាវិត និងសាលាបឋមសិក្សាបាវិត ស្ថិតនៅភូមិបាវិតលើ សង្កាត់បាវិត ក្រុងបាវិត ។

ក្នុងឱកាសនោះ ដោយមើលឃើញពីការលំបាក និងការខ្វះខាតនូវអគារសិក្សាមួយចំនួនក្នុងសាលានេះ សម្តេចតេជោនាយករដ្ឋមន្ត្រី បានផ្តល់អំណោយជាអគារសិក្សា អគារទីចាត់ការ និងអគារស្នាក់នៅរបស់គ្រូ និងសិស្ស សរុប ០៦ខ្នង ស្មើនឹង ៨៦បន្ទប់ ក្នុងនោះ សាលាបឋមសិក្សាបាវិត ផ្តល់ជូននូវអគារសិក្សាថ្មី ១ខ្នង កម្ពស់ ៣ជាន់ ស្មើនឹង ៣០បន្ទប់ និងទីចាត់ការ ១ខ្នង ស្មើនឹង ៣បន្ទប់ និងវិទ្យាល័យចំណេះទូទៅ និងបច្ចេកទេសបាវិត ផ្តល់ជូនអគារសិក្សាថ្មី ១ខ្នង កម្ពស់ ៣ជាន់ ស្មើនឹង ៣០បន្ទប់ និងទីចាត់ការ ១ខ្នង ស្មើនឹង ៣បន្ទប់ ព្រមទាំងផ្តល់ជូននូវអគារស្នាក់នៅរបស់គ្រូ ១ខ្នង ២ជាន់ ស្មើនឹង ១០បន្ទប់ និងអគារស្នាក់នៅរបស់សិស្ស ១ខ្នង ២ជាន់ ស្មើនឹង ១០បន្ទប់ ហើយនិងឧបត្ថម្ភសម្រាប់ការរៀបចំជាតារាងបាល់ទាត់ បាល់បោះ និងរៀបចំទីធ្លាសាលាឲ្យបានស្អាតល្អផងដែរ ៕
រូបភាព និងតួលេខ៖ ពីហ្វេសប៊ុកសម្ដេចតេជោនាយករដ្ឋមន្ត្រី

 

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន

នាព្រឹកថ្ងៃពុធ ១០រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៩ ខែឧសភា ឆ្នាំ២០១៨នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្តស្ដីទី បានចូលរួមអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយកម្មករ កម្មការិនីសរុបចំនួន ២៨.៥៨៤នាក់ មកពីតំបន់សេដ្ឋកិច្ចពិសេសចំនួនពីរ គឺតំបន់សេដ្ឋកិច្ចពិសេសមេនហាតធេន និងតំបន់សេដ្ឋកិច្ចពិសេសអ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ និងរោងចក្រ សហគ្រាស ចំនួន២៦ នៅក្នុងក្រុងបាវិត ខេត្តស្វាយរៀង ។

ក្នុងពិធីនេះក៏មានការអញ្ជើញចូលរួមពីសំណាក់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំទាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ឯកឧត្ដម លោកជំទាវសមាជិកព្រឹទ្ធសភា រដ្ឋសភា ឯកឧត្ដម លោកជំទាវ ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ អគ្គមេបញ្ជាការ អគ្គមេបញ្ជារងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស អគ្គស្នងការរងនគរបាលជាតិ ឯកឧត្ដម លោកជំទាវសមាជិកក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ក្រុមប្រឹក្សាខេត្ត អភិបាលរងខេត្ត មេបញ្ជាការកងកម្លាំងទាំងបី ប្រធានមន្ទី-អង្គភាព អភិបាលក្រុង ស្រុក ព្រមទាំងប្រធានក្រុមហ៊ុន រោងចក្រ សហគ្រាសនានាដែលមានកម្មករ កម្មការិនីចូលរួមក្នុងពិធីសំណេះសំណាលនៅថ្ងៃនេះ ។

នៅក្នុងឱកាសនោះផងដែរ សម្តេចតេជោ នាយករដ្ឋមន្ត្រី ក៏បានផ្ដល់កិត្តិយសដ៏ខ្ពង់ខ្ពស់អញ្ជើញកាត់ខ្សែបូសម្ពោដាក់ឲ្យប្រើប្រាស់តំបន់សេដ្ឋកិច្ចពិសេសថ្មី ឈ្មោះ អ៊ិនធើវៀ អូតូម៉ូបាល អ៊ិនដាសស្ទ្រី ខមផ្លេកស៍ ( Intervia Automobile Industry Complex) និងរោងចក្រដំឡើងរថយន្ត ដេហាន អូតូ (ខេមបូឌា) (Daehan Auto Cambodia) ស្ថិតនៅភូមិព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង ដែលរោងចក្រដំឡើងរថយន្តនេះ នឹងមានលទ្ធភាពដំឡើងរថយន្តបាន ២ម៉ឺនគ្រឿង ក្នុង១ឆ្នាំ និងអាចបង្កើតការងារជូនប្រជាពលរដ្ឋក្នុងខេត្តស្វាយរៀង ប្រមាណ ១ម៉ឺនកន្លែង បន្ថែមទៀត ។

មានប្រសាសន៍ក្នុងពិធីនេះ សម្តេចតេជោ បានបង្ហាញនូវមោទនភាពចំពោះការអភិវឌ្ឍរីកចម្រើន នៅក្រុងបាវិតនាពេលបច្ចុប្បន្ននេះ ដែលខុសពីអតីតកាល ក្រុងបាវិត មានតំបន់សេដ្ឋកិច្ចពិសេសត្រឹមតែ ១កន្លែង ក៏ប៉ុន្តែពេលនេះតំបន់សេដ្ឋកិច្ចពិសេស មានរហូតទៅដល់ ៨កន្លែង និងមានកម្មករកម្មការិនីធ្វើការប្រមាណជាង ៤ម៉ឺននាក់ ។

សម្តចតេជោ ក៏បានបញ្ជាក់បន្ថែមថា ក្រុងបាវិតនេះ ពីអតីតកាលគឺជាតំបន់សមរភូមិក្តៅដែលពោរពេញទៅដោយបញ្ហាសង្គ្រាមរ៉ាំរ៉ៃ ហើយកាលពី ៤៣ឆ្នាំមុន ប្រជាពលរដ្ឋកម្ពុជាត្រូវរត់ព្រាត់ប្រាស់គ្នាក្នុងរបបប្រល័យពូជសាសន៍ប៉ុលពត ក៏ប៉ុន្តែក្នុងរយះពេល៤៣ឆ្នាំចុងក្រោយនេះ ប្រជាពលរដ្ឋកម្ពុជាបានជួបជុំគ្នា និងរស់នៅដោយសុខសន្តិភាព ។

ទន្ទឹមនឹងនេះដែរ សម្តេចតេជោ បានអំពាវនាវឲ្យកម្មករកម្មការិនី ក៏ដូចជាប្រជាពលរដ្ឋទាំងអស់ត្រូវរួមគ្នាថែរក្សា ”សន្តិភាព” ឲ្យបានគង់វង្ស ដើម្បីបន្តការអភិវឌ្ឍប្រទេសជាតិឲ្យមានការរីកចម្រើនតទៅមុខទៀត សុំកុំឲ្យបណ្តារោងចក្រទាំងអស់មាននូវបងតូចបងធំ(ជើងកាង) ដែលមកបំបះបំបោរកម្មករយើង និងសូមឲ្យកម្មករ កម្មការិនី ត្រូវរួមគ្នា រក្សាការងាររបស់ខ្លួន ត្រូវគោរពគ្នាទៅវិញទៅមករវាងម្ចាស់រោងចក្រ និងកម្មករ ។

នៅចុងបញ្ចប់ សម្តេចតេជោ បានឧបត្ថម្ភនូវប្រាក់លើកទឹកចិត្តមួយចំនួនដល់កម្មករ និងបានឧបត្ថម្ភថវិកាដល់កម្មការិនីមានផ្ទៃពោះចំនួន ៨២១នាក់ ព្រមទាំងបានថតរូបអនុស្សាវរីយ៍ Free Selfie ដែលបង្ហាញនូវការអាណិតស្រឡាញ់ និងយកចិត្តទុកដាក់យ៉ាងស្មោះស្ម័គ្រចំពោះបងប្អូនកូនក្មួយ កម្មករ កម្មការិនីប្រកបដោយភាពស្និទ្ធស្នាល និងសប្បាយរីករាយក្រៃលែង ៕

នាព្រឹកថ្ងៃទីសុក្រ ០៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៤ ខែឧសភា ឆ្នាំ២០១៨នេះ នៅសាលប្រជុំសាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យពីវឌ្ឍនភាពការងារសហការរៀបចំពិធីសំណេះសំណាល

នាព្រឹកថ្ងៃទីសុក្រ ០៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៤ ខែឧសភា ឆ្នាំ២០១៨នេះ នៅសាលប្រជុំសាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យពីវឌ្ឍនភាពការងារសហការរៀបចំពិធីសំណេះសំណាល និងសួរសុខទុក្ខកម្មករ និយោជិត ដែលបម្រើការងារនៅតាមរោងចក្រ សហគ្រាសនានានៅក្នុងខេត្តស្វាយរៀង ។

កិច្ចប្រជុំនេះ មានការអញ្ជើញចូលរួមពីឯកឧត្ដមអភិបាលរងខេត្ត លោកនាយក នាយករងរដ្ឋបាលសាលាខេត្ត លោកមេបញ្ជាការរងកងកម្លាំងទាំងបី លោកប្រធានមន្ទីរ-អង្គភាព និងអភិបាលក្រុង ស្រុកពាក់ព័ន្ធ លោកនាយកទីចាត់ការសាលាខេត្ត ព្រមទាំងមន្ត្រីពាក់ព័ន្ធមួយចំនួន ។

មានប្រសាសន៍ក្នុងកិច្ចប្រជុំនេះ ឯកឧត្ដមអភិបាលខេត្ត បានដាក់ទិសដៅដល់សមាសភាពពាក់ព័ន្ធទាំងអស់ត្រូវបន្តយកចិត្តទុកដាក់អនុវត្តតួនាទី និងការទទួលខុសត្រូវដូចមានកំណត់នៅក្នុងសេចក្ដីសម្រេចស្ដីពីការបែងចែកតួនាទីភារកិច្ច ដើម្បីឲ្យកិច្ចការនេះប្រព្រឹត្តទៅបានល្អប្រសើរ រលូន និងជោគជ័យតាមការគ្រោងទុក ៕

 

នាព្រឹកថ្ងៃព្រហស្បតិ៍ ០៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៣ ខែឧសភា ឆ្នាំ២០១៨នេះ ខេត្តស្វាយរៀងពិតជាមានមហាកិត្តិយសក្រៃលែង ដោយបានទទួលនូវព្រះវត្តមានដ៏ថ្លៃថ្លារបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី

នាព្រឹកថ្ងៃព្រហស្បតិ៍ ០៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី០៣ ខែឧសភា ឆ្នាំ២០១៨នេះ ខេត្តស្វាយរៀងពិតជាមានមហាកិត្តិយសក្រៃលែង ដោយបានទទួលនូវព្រះវត្តមានដ៏ថ្លៃថ្លារបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្ដេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង័្គល និងយាងទតពិព័រណ៌ផលិតផលកសិកម្ម និងសិប្បកម្មក្នុងស្រុក និងលទ្ធផលសកម្មភាពការងាររបស់ក្រសួង ស្ថាប័នថ្នាក់ជាតិ រដ្ឋបាលខេត្តស្វាយរៀង មន្ទីរ-អង្គភាពនានាជុំវិញខេត្ត រដ្ឋបាលក្រុង ស្រុកទាំង៨ក្នុងខេត្តស្វាយរៀង ។

ក្នុងឱកាសដ៏មហានក្ខត្តឫក្ស នៃព្រះរាជពិធីច្រត់ព្រះនង្គ័ល ឆ្នាំ២០១៨នេះ ព្រះករុណាជាអម្ចាស់ជីវិតលើត្បូង ទ្រង់បានប្រោសព្រះរាជទានឲ្យ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង ជាស្តេចមាឃ និងលោកជំទាវ ឈុន ណារី ជាមេហួ ព្រមទាំងអមដោយឯកឧត្តម ហួត ប៊ុណ្ណារី អនុរដ្ឋលេខាធិការ ក្រសួងកសិកម្ម កាន់នង្គ័លយោងខាងមុខ និងឯកឧត្តម កុល ប៊ុនលី រដ្ឋលេខាធិការ ក្រសួងព្រះបរមរាជវាំង កាន់នង្គ័លអមខាងក្រោយ នៅទីព្រះស្រែ ភូមិស្រះវង់ សង្កាត់ស្វាយរៀង ក្រុងស្វាយរៀង ខេត្តស្វាយរៀង ។

ក្នុងព្រះរាជពិធីប្រកបដោយភាពអធិកអធមនេះផងដែរ ក៏មានព្រះវត្តមាន និងវត្តមានអញ្ជើញចូលរួមពីព្រះញាតិវង្សានុវង្ស សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ឯកឧត្តម លោកជំទាវ សមាជិក សមាជិកា ព្រឹទ្ធសភា-រដ្ឋសភា រាជរដ្ឋាភិបាល អង្គទូតនានា ឯកឧត្ដមនាយឧត្ដមសេនីយ៍ ឯកឧត្ដម លោកជំទាវជាសមាជិក សមាជិកាក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ឯកឧត្តមប្រធានក្រុមប្រឹក្សារាជធានី-ខេត្ត ឯកឧត្តម លោកជំទាវ អភិបាលរាជធានី-ខេត្ត គណៈប្រិតភូខេត្តតៃនិញ-ខេត្តឡុងអាន នៃសាធារណៈរដ្ឋសង្គមនិយមវៀតណាម ឯកឧត្តម លោកជំទាវ លោក លោកស្រីថ្នាក់ដឹកនាំខេត្ត ក្រុង ស្រុក ឃុំ សង្កាត់ មន្រ្តីរាជការ កងកម្លាំងប្រដាប់អាវុធ ព្រះសង្ឃ លោកគ្រូ អ្នកគ្រូ សាស្រ្តាចារ្យ សិស្ស និស្សិត គរុសិស្ស យុវជនសហភាពសហព័ន្ធយុវជនកម្ពុជាខេត្ត យុវជនកាកបាទក្រហម យុវជនកាយរឹទ្ធិ ព្រមទាំងបងប្អូនប្រជាពលរដ្ឋក្នុងខេត្តស្វាយរៀង ប្រមាណជាង ២០.០០០អង្គ/នាក់ ។

ក្នុងកាលវេលានោះ បន្ទាប់ពីឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង ដែលត្រូវបានប្រោសព្រះរាជទានធ្វើជាស្តេចមាឃ តំណាងដ៏ខ្ពង់ខ្ពស់របស់ព្រះករុណាជាអម្ចាស់ជីវិតលើត្បូង ព្រះមហាក្សត្រ កាន់ព្រះនង្គ័លភ្ជួរលើទីវាលព្រះស្រែ និងព្រោះគ្រាប់ស្រូវដោយលោកជំទាវ ឈុន ណារី ដែលត្រូវបានប្រោសព្រះរាជទាន ជាមេហួ ធ្វើដំណើរជាទក្ខិណាព័ទ្ធ ៣ជុំ ទីវាលព្រះស្រែ ដោយក្បួនព្រះនង្គ័លចាប់ចេញដំណើរពីរោងមណ្ឌលទិសនិរតី នឹងត្រូវទៅឈប់ដោះគោចេញពីនឹម បញ្ចប់ការច្រត់ព្រះនង្គ័លនៅរោងមណ្ឌលទិសបូព៌ រួចមក ព្រាហ្មណ៍ព្រះរាជគ្រូ ដោះយកគោឧសភរាជទៅបរិភោគគ្រាប់ធញ្ញជាតិចំនួន ៧មុខ រួមមាន៖ ស្រូវ ពោត សណ្តែក ល្ង ស្មៅ ស្រា និងទឹក ដែលបានរៀបចំទុករួចជាស្រេច នៅចំកណ្ដាលទីវាលព្រះស្រែ ។

ក្នុងចំណោមធញ្ញជាតិទាំង ៧មុខនោះ គោឧសភរាជបរិភោគស្រូវ ៩៥ភាគរយ ពោត ៩៥ភាគរយ និងសណ្តែក ៨០ភាគរយ ដោយឡែកល្ង ស្មៅ ស្រា និងទឹក គោមិនបរិភោគនោះទេ ។

បន្ទាប់ពីបញ្ចប់ព្រះរាជពិធីជាស្ថាពរ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា អមព្រះរាជដំណើរដោយសម្ដេច ទ្រង់ ឯកឧត្ដម លោកជំទាវ លោក លោកស្រីអ្នកមុខ អ្នកការ ស្ដេចទ្រង់យាងទតពិព័រណ៍របស់ក្រសួង ស្ថាប័ន អង្គភាព ទាំងថ្នាក់ជាតិ និងទាំងថ្នាក់ក្រោមជាតិ ដែលបានដាក់តាំងបង្ហាញនៅក្នុងព្រះរាជពិធីច្រត់ព្រះនង្គ័ល រហូតអស់ស្តង់ពិព័រណ៍ មុននឹងព្រះករុណាជាអម្ចាស់ជីវិតលើត្បូង ស្ដេចយាងព្រះរាជនិវន្តន៍ទៅកាន់ព្រះបរមរាជវាំង នៅរាជធានីភ្នំពេញវិញ នាវេលាម៉ោងប្រមាណជា ១១:៣០នាទីព្រឹក ៕

 

 

 

 

អត្ថបទ​ផ្សេងៗ​ទៀត...

  1. ព្រះរាជពិធីច្រត់ព្រះនង្គ័ល និងតាំងពិព័រណ៍ផលិតផល​កសិកម្ម សិប្បកម្មក្នុងស្រុក នៅភូមិស្រះវង់ សង្កាត់ស្វាយ​រៀ​ង ក្រុងស្វាយរៀង ខេត្តស្វាយរៀង
  2. នាព្រឹកថ្ងៃព្រហស្បតិ៍ ៩កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំបូកសរុបលទ្ធផលការងារប្រចាំខែមករា និងលើកទិសដៅការងារខែកុម្ភៈ ឆ្នាំ២០១៨
  3. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំត្រួតពិនិត្យ និងរកដំណោះស្រាយចំពោះសំណើរបស់ប្រជាពលរដ្ឋដែលបានស្នើសុំមករដ្ឋបាលខេត្តនាពេលកន្លងមក ហើយនៅសេសសល់មិនទាន់ដោះស្រាយរួច
  4. ឯកឧត្តម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធិបិទសន្និបាតបូកសរុបលទ្ធផលការងារអប់រំ យុវជន និងកីឡាឆ្នាំសិក្សា ២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 3

ម្សិលមិញ 7

សប្តាហ៍ 3

ខែ 96

សរុប 7051