ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

ឯកឧត្តម តូច ប៉ូលីវ៉ា​ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីភាពក្នុងពិធិបើកសន្និបាតបូកសរុបការងារលទ្ធផលការងារអប់រំ យុវជន និងកីឡាឆ្នាំសិក្សា២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨

នាព្រឹកថ្ងៃព្រហស្បតិ៍ ២កើត ខែមាឃ ឆ្នាំរកា​ នព្វស័ក ព.ស២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨នេះ ឯកឧត្តម តូច ប៉ូលីវ៉ា​ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីភាពក្នុងពិធិបើកសន្និបាតបូកសរុបការងារលទ្ធផលការងារអប់រំ យុវជន និងកីឡាឆ្នាំសិក្សា២០១៦-២០១៧ និងលើកទិសដៅសកម្មភាពការងារឆ្នាំសិក្សា២០១៧-២០១៨ នៅសាលប្រជុំមន្ទីរអប់រំ យុវជន និងកីឡាខេត្តស្វាយរៀង ។

ក្នុងពិធីនេះ មានការអញ្ជើញចូលរួមពីលោក លោកស្រីប្រធាន អនុប្រធានមន្ទីរអប់រំ យុវជន និងកីឡាខេត្តស្វាយរៀង លោក លោកស្រីប្រធានមន្ទីរនានាជុំវិញខេត្ត តំណាងក្រសួងអប់រំ យុវជន និងកីឡា តំណាងអង្កការដៃគូអភិវឌ្ឍន៍ លោក លោកស្រីប្រធានការិយាល័យ និងមន្ត្រីរាជការមន្ទីរអប់រំ យុវជន និងកីឡាខេត្ត លោក លោកស្រីប្រធានការិយាល័យអប់រំក្រុង ស្រុកទាំង៨​ លោកប្រធានកម្រង និងលោកនាយកសាលានានាក្នុងខេត្ត ៕

 

កិច្ចប្រជុំវិសាមញ្ញលើកទី១១ អាណត្តិទី២ របស់ក្រុមប្រឹក្សាខេត្ត ដើម្បីអនុម័តសេចក្ដីព្រាងរបាយការណ៍ស្ដីពីវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង ឆ្នាំ២០១៧ ក្រោមអធិបតីភាពឯកឧត្ដមបណ្ឌិត គឹម ធា ប្រធានក្រុមប្រឹក្សា

នាព្រឹកថ្ងៃពុធ ១កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨នេះ នៅសាលប្រជុំសាលាខេត្ត មានរៀបចំកិច្ចប្រជុំវិសាមញ្ញលើកទី១១ អាណត្តិទី២ របស់ក្រុមប្រឹក្សាខេត្ត ដើម្បីអនុម័តសេចក្ដីព្រាងរបាយការណ៍ស្ដីពីវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង ឆ្នាំ២០១៧ ក្រោមអធិបតីភាពឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្តស្វាយរៀង ។

ក្នុងកិច្ចប្រជុំនេះ មានការអញ្ជើញចូលរួមពីឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត ឯកឧត្ដម ហ៊ូ វតនៈ ឯកឧត្ដម ពេជ សាវ៉ាន់ និងឯកឧត្ដម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង លោក លោកស្រីនាយក នាយករងរដ្ឋបាលសាលាខេត្ត តំណាងកងកម្លាំងទាំងបី លោក លោកស្រីប្រធានមន្ទីរ-អង្គភាពនានាក្នុងខេត្ត និងលោក លោកស្រីនាយកទីចាត់ការ ប្រធានអង្គភាព និងប្រធានការិយាល័យចំណុះសាលាខេត្ត សរុប ៧៥រូប ៕

 

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបពិភាក្សាការងារជាមួយគណៈប្រតិភូសមាគមទឹកចិត្តសប្បុរសធម៌ ប៉ាយសួយឡាវយាន នៃប្រទេសចិន ដឹកនាំដោយលោក CP Jacky

នាព្រឹកថ្ងៃពុធ ១កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨នេះ នៅសាលប្រជុំ VIP សាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបពិភាក្សាការងារជាមួយគណៈប្រតិភូសមាគមទឹកចិត្តសប្បុរសធម៌ ប៉ាយសួយឡាវយាន នៃប្រទេសចិន ដឹកនាំដោយលោក CP Jacky ។ នៅក្នុងជំនួបពិភាក្សានេះក៏មានការអញ្ជើញចូលរួមពីលោកជំទាវ ពៅ សុភាព អភិបាលរងខេត្ត លោកអនុប្រធានមន្ទីរសុខាភិបាលខេត្ត លោកនាយកទីចាត់ការអន្តរវិស័យសាលាខេត្ត និងមន្ត្រីពាក់ព័ន្ធមួយចំនួន ។

ក្នុងឱកាសនោះ លោក CP Jacky តំណាងសមាគមទឹកចិត្តសប្បុរសធម៌ ប៉ាយសួយឡាវយាន នៃប្រទេសចិន បានជម្រាបជូនថា ដោយមានការសហការជាមួយអង្គការពន្លឺអភិវឌ្ឍន៍ដើម្បីជនក្រីក្រ សមាគមនឹងដឹកនាំក្រុមគ្រូពេទ្យ និងអ្នកស័្មគ្រចិត្តប្រមាណ ២០០នាក់ ចុះជួយពិនិត្យព្យាបាលជំងឺដោយឥតគិតថ្លៃ និងចែកអំណោយជូនដល់ប្រជាពលរដ្ឋ នៅអំឡុងពាក់កណ្ដាលខែមីនា ឆ្នាំ២០១៨ខាងមុខ ដោយជ្រើសរើសក្រុង ស្រុកចំនួន ៥ ក្នុងខេត្តស្វាយរៀង ។ ទន្ទឹមនេះ លោកក៏បានសូមស្នើដល់ឯកឧត្ដមអភិបាលខេត្ត មេត្តាជួយសម្របសម្រួលរៀបចំទីតាំង កំណត់មុខសញ្ញាប្រជាពលរដ្ឋដែលត្រូវមកទទួលការព្យាបាល និងជួយការពារសន្តិសុខសុវត្ថិភាពដល់ក្រុមការងារនៅក្នុងអំឡុងពេលនៃការចុះពិនិត្យព្យាបាលជំងឺជូនប្រជាពលរដ្ឋទាំង ៥ក្រុង ស្រុក ក្នុងខេត្តស្វាយរៀង ។

មានប្រសាសន៍ក្នុងជំនួបពិភាក្សានេះ ឯកឧត្ដមអភិបាលខេត្ត បានសម្ដែងនូវការអរគុណយ៉ាងជ្រាលជ្រៅចំពោះសមាគមទឹកចិត្តសប្បុរសធម៌ប៉ាយសួយឡាវយាននៃប្រទេសចិន ដែលបានជ្រើសរើសខេត្តស្វាយរៀង ក្នុងការចុះមកជួយពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ ហើយសកម្មភាពដ៏ប្រពៃនេះ គឺជាចំណែកមួយដ៏សំខាន់មិនអាចកាត់ផ្ដាច់បាននៃទំនាក់ទំនងរវាងវិស័យសាធារណៈ និងសមាគម ក្នុងការចូលរួមចំណែកកាត់បន្ថយភាពក្រីក្រ លើកកម្ពស់សុខភាព និងសុខមាលភាពរបស់ប្រជាពលរដ្ឋ ដែលជាគោលដៅសំខាន់របស់រាជរដ្ឋាភិបាល ក៏ដូចជាអាជ្ញាធរនៅថ្នាក់ក្រោមជាតិ ។ ជាមួយនេះ ឯកឧត្ដមអភិបាលខេត្ត ក៏បានបញ្ជាក់បន្ថែមថា អាជ្ញាធរខេត្ត សូមស្វាគមន៍ គាំទ្រ និងជួយសម្របសម្រួលជូនដល់សមាគមក្នុងសកម្មភាពនៃការចុះមកជួយពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃនៅក្នុងខេត្តស្វាយរៀងឲ្យបានល្អប្រសើរ និងប្រព្រឹត្តទៅដោយរលូន ៕

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងលោកមេបញ្ជាការកងរាជអាវុធហត្ថខេត្ត លោកប្រធានមន្ទីរធនធានទឹក និងឧតុនិយមខេត្ត លោកនាយករងវិទ្យាល័យស្វាយរៀង និងមន្ត្រីជំនាញនៃមន្ទីរសាធារណការ និងដឹកជញ្ជូនខេត្ត អញ្ជើញចុះពិនិត្យគម្រោងស្ថាបនាអាងស្ដុកទឹក និងលូ

បន្ទាប់ពីបញ្ចប់កិច្ចប្រជុំគណៈអភិបាលខេត្ត នាព្រឹកថ្ងៃអង្គារ ១៥រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី ១៦ ខែមករា ឆ្នាំ២០១៨ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងលោកមេបញ្ជាការកងរាជអាវុធហត្ថខេត្ត លោកប្រធានមន្ទីរធនធានទឹក និងឧតុនិយមខេត្ត លោកនាយករងវិទ្យាល័យស្វាយរៀង និងមន្ត្រីជំនាញនៃមន្ទីរសាធារណការ និងដឹកជញ្ជូនខេត្ត បានអញ្ជើញចុះពិនិត្យគម្រោងស្ថាបនាអាងស្ដុកទឹក និងប្រព័ន្ធលូ ដើម្បីរំដោះទឹកនៅក្នុងបរិវេណវិទ្យាល័យស្វាយរៀង ក្រុងស្វាយរៀង ។

សូមបញ្ជាក់ថា នៅរដូវវស្សាជារៀងរាល់ឆ្នាំ បរិវេណមួយផ្នែកនៃវិទ្យាល័យស្វាយរៀងតែងតែជន់លិចដោយជំនន់ទឹកភ្លៀង ដែលធ្វើឲ្យប៉ះពាល់ដល់អគារសិក្សា ក៏ដូចជាការសិក្សារបស់សិស្សានុសិស្ស ជាពិសេសនៅពេលចូលបវេសនកាលឆ្នាំសិក្សាថ្មី ។ ដោយមើលឃើញពីការលំបាកនេះ ឯកឧត្ដមអភិបាលបានរៀបចំឲ្យមន្ទីរជំនាញធ្វើការសិក្សាគម្រោងដើម្បីរៀបចំជាអាងស្ដុកទឹក និងប្រព័ន្ធលូ នៅក្នុងបរិវេណវិទ្យាល័យស្វាយរៀងតែម្ដង ដែលក្រោយពីស្ថាបនារួច នឹងមានលទ្ធផលរំដោះទឹកចេញបានទាន់ពេលវេលា និងអាចបញ្ចៀសការជន់លិចពីជំនន់ទឹកភ្លៀងបាន ៕

អត្ថបទ​ផ្សេងៗ​ទៀត...

  1. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញដឹកនាំកិច្ចប្រជុំគណៈអភិបាលខេត្ត ដើម្បីពិភាក្សា និងដោះស្រាយការងារសំខាន់ៗនិងត្រៀមរៀបចំពិធីធំៗនាពេលខាងមុខនេះ
  2. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដមអភិបាលរងខេត្ត មន្ទីរ-អង្គភាពជំនាញ និងលោកអភិបាលក្រុងស្វាយរៀង បានអញ្ជើញចុះពិនិត្យទីតាំងស្ថាបនាច្រាំងទន្លេវ៉ៃគោផ្នែកខាងលិច (ទំនប់តាណេង)និងអញ្ជើញចុះពិនិត្យទីតាំងដែលគ្រោងនឹងរៀបចំប្រព័ន្ធលូបង្ហូរទឹ
  3. កិច្ចប្រជុំត្រៀមរៀបចំព្រះរាជពិធីច្រត់ព្រះនង្គ័ល ឆ្នាំ២០១៨ នៅខេត្តស្វាយរៀង ក្រោមអធិបតីភាពខ្ពង់ខ្ពស់សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ-អន្តរជាតិ
  4. កិច្ចប្រជុំស្ដីពីការពិនិត្យ និងផ្ដល់យោបល់របស់គណៈអភិបាលខេត្ត និងគណៈកម្មាថិការសម្របសម្រួលបច្ចេកទេសក្រុមប្រឹក្សាខេត្ត ទៅលើកម្មវិធីវិនិយោគបីឆ្នាំរំកិល ២០១៨-២០២០ របស់រដ្ឋបាលខេត្ត

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 3

ម្សិលមិញ 7

សប្តាហ៍ 3

ខែ 96

សរុប 7051