ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

ឯកឧត្ដម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាគណៈអធិបតីក្នុងពិធីប្រគល់គោយន្ត និងបំពាក់ឧបករណ៍ជូនដល់សហគមន៍កសិកម្ម ចំនួន ១៣ ក្នុងខេត្តស្វាយរៀង

 

ពិធីប្រគល់គោយន្ត និងបំពាក់ឧបករណ៍ជូនដល់សហគមន៍កសិកម្ម ចំនួន ១៣ ក្នុងខេត្តស្វាយរៀង

នាព្រឹកថ្ងៃទី២៧ ខែកញ្ញា ឆ្នាំ២០១៧នេះ នៅមន្ទីរកសិកម្ម រុក្ខាប្រមាញ់ និងនេសាទខេត្ត មានរៀបចំពិធីប្រគល់គោយន្ត និងបំពាក់ឧបករណ៍ជូនដល់សហគមន៍កសិកម្ម ចំនួន ១៣ ក្នុងខេត្តស្វាយរៀង ដែលជាជំនួយរបស់សាធារណរដ្ឋប្រជាមានិតចិន តាមរយៈក្រសួងកសិកម្ម រុក្ខាប្រមាញ់ និងនេសាទ ក្រោមអធិបតីភាពឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម កៅ ផល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងមានការអញ្ជើញចូលរួមពីឯកឧត្ដម ពេជ សាវ៉ាន់ អភិបាលរងខេត្ត លោក លោកស្រីប្រធាន អនុប្រធាន និងមន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំងតំណាងសហគមន៍កសិកម្មនានាដែលមាននៅក្នុងខេត្ត ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានថ្លែងអំណរគុណដល់ក្រសួងកសិកម្ម រុក្ខាប្រមាញ់ និងនេសាទ ដែលតែងតែជួយសហការ និងគាំទ្រដល់ការអភិវឌ្ឍវិស័យកសិកម្មក្នុងខេត្តស្វាយរៀង នាពេលកន្លងមក ហើយដែលថ្ងៃនេះទៀត បានផ្ដល់នូវអំណោយដ៏មានសារៈសំខាន់ជាគោយន្ត ចំនួន ១៣គ្រឿង ដល់សហគមន៍កសិកម្មទាំង ១៣ ក្នុងខេត្ត សម្រាប់យកទៅប្រើប្រាស់បម្រើឲ្យការងារផលិតកម្ម និងអាជីវកម្ម ដែលជាប្រយោជន៍រួមរបស់សហគមន៍ទាំងមូល ។ ជាមួយនេះ ឯកឧត្ដមអភិបាលខេត្ត ក៏បានលើកឡើងអំពីការអភិវឌ្ឍរីកចម្រើននៃវិស័យកសិកម្មក្នុងខេត្តនារយៈពេលប៉ុន្មានឆ្នាំចុងក្រោយនេះ ទាំងលើការបង្កបង្កើនផលស្រូវ ការដាំដំណាំកសិ-ឧស្សាហកម្ម ការចិញ្ចឹមសត្វ និងការដាំបន្លែជាលក្ខណៈគ្រួសារ ជាពិសេសការដាំដុះបន្លែសរីរាង្គ ជាលក្ខណៈសហគមន៍កសិកម្ម ដោយបាននាំយកទៅលក់នៅតាមផ្សារទំនើបនានានៅរាជធានីភ្នំពេញ ដែលលទ្ធផលទាំងអស់នេះ គឺកើតចេញពីការចូលរួមចំណែកយ៉ាងសកម្មពីមន្ទីរកសិកម្ម រុក្ខាប្រមាញ់ និងនេសាទ អង្គការសង្គមស៊ីវិល អង្គភាពពាក់ព័ន្ធ និងការខិតខំប្រឹងប្រែងរបស់សហគមន៍កសិកម្មទាំងអស់ដែលមាននៅក្នុងខេត្ត ។

ទនឹ្ទមនេះ ឯកឧត្ដមអភិបាលខេត្ត ក៏បានផ្ដាំផ្ញើដល់សហគមន៍ទាំងអស់ត្រូវខិតខំប្រើប្រាស់ និងទាញផលពីឧបករណ៍ដែលទទួលបាននៅថ្ងៃនេះឲ្យអស់លទ្ធភាព និងប្រសិទ្ធភាពសេដ្ឋកិច្ច យកទៅប្រើប្រាស់សម្រាប់បម្រើឲ្យផលប្រយោជន៍រួម និងពិតប្រាកដរបស់សហគមន៍ ធានាការប្រើប្រាស់ឲ្យបានគង់វង្សយូរអង្វែង និងត្រូវសំអាត ទុកដាក់ រក្សាទុកឲ្យបានត្រឹមត្រូវនៅក្រោយពេលប្រើប្រាស់រួច ៕
#ខេត្តស្វាយរៀង#មន្ទីរកសិកម្ម រុក្ខាប្រមាញ់ និងនេសាទ#

 

ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងពិធីសម្ពោធអគារពុទ្ធិកបឋមសិក្សា និងសមិទ្ធផលនានាក្នុងវត្តចន្រ្តី ស្ថិតនៅភូមិចន្ត្រី ឃុំចន្រ្តី ស្រុកមាសហែក ខេត្តស្វាយរៀង

នាព្រឹកថ្ងៃទី២៤ ខែសីហា ឆ្នាំ២០១៧នេះ ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមនិងឯកឧត្ដម លោកជំទាវអភិបាលរងខេត្ត  ក្រោមអធិបតីភាពលោកជំទាវបណ្ឌិត ម៉ែន សំអន  ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ច ។ ក្នុងពិធីនេះក៏មានការអញ្ជើញចូលរួមពីលោកជំទាវតំណាងរាស្រ្តមណ្ឌលខេត្តស្វាយរៀង ឯកឧត្ដម លោកជំទាវក្រុមការងារថ្នាក់ជាតិចុះជួយខេត្ត ស្រុក ឃុំ ភូមិក្នុងស្រុករមាសហែក ប្រធានមន្ទីរ-អង្គភាពនានាក្នុងខេត្ត អាជ្ញាធរមូលដ្ឋាន ពុទ្ធបរិស័ទ និងបងប្អូនប្រជាពលរដ្ឋប្រមាណជាង ២.០០០នាក់ ។

ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលស្វាយរៀង បានអញ្ជើញចូលរួមក្នុងពិធីប្រកាសចូលកាន់តំណែងប្រធានមន្ទីរអប់រំ យុវជន និងកីឡាខេត្តស្វាយរៀង

ពិធីប្រកាសចូលកាន់តំណែងប្រធានមន្ទីរអប់រំ យុវជន និងកីឡាខេត្តស្វាយរៀង

នៅសាលប្រជុំសាលាខេត្ត នាព្រឹកថ្ងៃទី០២ ខែសីហា ឆ្នាំ២០១៧នេះ ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលស្វាយរៀង បានអញ្ជើញចូលរួមក្នុងពិធីប្រកាសចូលកាន់តំណែងប្រធានមន្ទីរអប់រំ យុវជន និងកីឡាខេត្តស្វាយរៀង ក្រោមអធិបតីភាពឯកឧត្ដមបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ។

ក្នុងពិធីនេះ មានការអញ្ជើញចូលរួមពីឯកឧត្ដមរដ្ឋលេខាធិការ អនុរដ្ឋលេខា អគ្គាធិការ អគ្គនាយក និងថ្នាក់ដឹកនាំក្រសួងអប់រំ យុវជន និងកីឡា ឯកឧត្ដមអភិបាលរងខេត្ត លោកនាយក នាយករងរដ្ឋបាលសាលាខេត្ត កងកម្លាំងទាំងបី អភិបាលក្រុង ស្រុក និងលោក លោកស្រីប្រធានមន្ទីរ-អង្គភាពនានាជុំវិញខេត្ត ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានសម្ដែងនូវការកោតសរសើរ និងវាយតម្លៃខ្ពស់ ចំពោះថ្នាក់ដឹកនាំ មន្ត្រីរាជការ និងបុគ្គលិកអប់រំគ្រប់លំដាប់ថ្នាក់ នៃមន្ទីរអប់រំ យុវជន និងកីឡាខេត្ត ក្រោមការដឹកនាំរបស់លោក យស់ សារ៉ាត ជាប្រធានមន្ទីរ កន្លងមក បានយកចិត្តទុកដាក់ដឹកនាំអនុវត្តការងារតាមតួនាទី ភារកិច្ច ប្រកបដោយការសហការ និងសាមគ្គីភាព ឯកភាពផ្ទៃក្នុង នាំឲ្យការអនុវត្តការងារអប់រំ យុវជន និងកីឡា សម្រេចបានលទ្ធផលគួរឲ្យកត់សម្គាល់ ជាពិសេសក្នុងការជំរុញការអភិវឌ្ឍ និងលើកកម្ពស់វិស័យអប់រំនៅក្នុងខេត្តឲ្យមានការរីកចម្រើនទាំងបរិមាណ និងគុណភាពនៃការបណ្ដុះបណ្ដាលធនធានមនុស្ស ស្របតាមកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ព្រមទាំងបានផ្ដាំផ្ញើដល់លោក ខៀវ សំអុល ប្រធានមន្ទីរថ្មី ដែលទើបទទួលបានការតែងតាំងថ្មី ត្រូវបន្តបេសកកម្មក្នុងការជំរុញ លើកកម្ពស់ និងអភិវឌ្ឍន៍វិស័យអប់រំ យុវជន និងកីឡានៅក្នុងខេត្តឲ្យកាន់តែទទួលបានលទ្ធផលល្អប្រសើរថែមទៀត ទាំងបរិមាណ និងគុណភាព ជាពិសេសត្រូវខិតខំពង្រឹងការសាមគ្គីភាពឯកភាពផ្ទៃក្នុងឲ្យបានល្អ ដើម្បីធានានិរន្តភាពការងារប្រកបដោយប្រសិទ្ធភាព ៕
#ខេត្តស្វាយរៀង#ប្រធានមន្ទីរអប់រំ យុវជន និងកីឡាខេត្ត#

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត បានអញ្ជើញជាគណៈអធិបតីក្នុងពិធីក្រុងពាលី និងបញ្ចុះបឋមសិលាសាងសង់អគារធ្វើការ នៃទីចាត់ការអន្តរវិស័យ ទីចាត់ការគ្រប់គ្រងធនធានមនុស្ស និងអង្គភាពលទ្ធកម្មរដ្ឋបាលខេត្ត

នាព្រឹកថ្ងៃសុក្រ ១៤កើត ខែអាសាឍ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៧ ខែកក្កដា ឆ្នាំ២០១៧នេះ រដ្ឋបាលខេត្តស្វាយរៀង បានប្រារព្ធពិធីក្រុងពាលី និងបញ្ចុះបឋមសិលាសាងសង់អគារធ្វើការ នៃទីចាត់ការអន្តរវិស័យ ទីចាត់ការគ្រប់គ្រងធនធានមនុស្ស និងអង្គភាពលទ្ធកម្មរដ្ឋបាលខេត្ត ក្រោមអធិបតីភាពឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងមានការអញ្ជើញចូលរួមពីឯកឧត្ដម លោកជំទាវ សមាជិក សមាជិកាក្រុមប្រឹក្សាខេត្ត អភិបាលរងខេត្ត លោកនាយករងរដ្ឋបាលសាលាខេត្ត កងកម្លាំងទាំងបី លោក លោកស្រីប្រធានមន្ទីរ-អង្គភាពនានាជុំវិញខេត្ត លោក លោកស្រីនាយក នាយករងទីចាត់ការ/អង្គភាព និងមន្រ្តីរាជការសាលាខេត្តទាំងអស់ ។

ក្រោយការសាងសង់រួច អគារធ្វើការនៃទីចាត់ការអង្គភាពទាំងបីនេះ នឹងបង្កលក្ខណៈកាន់តែល្អប្រសើរសម្រាប់បំពេញការងាររបស់មន្ត្រីរាជការបានឆាប់រហ័សថែមមួយកម្រិតទៀត ព្រោះថាការិយាល័យនានា នៃអង្គភាពទាំងបីនឹងត្រូវប្រមូលផ្ដុំនៅកន្លែងតែមួយប្រៀបដូចជាការិយាល័យច្រកចេញចូលតែមួយដូច្នោះដែរ ដែលជាផ្នែកមួយនៃការធ្វើកំណែទម្រង់រដ្ឋបាលសាធារណៈ តាមរយៈការកែលម្អហេដ្ឋារចនាសម្ព័ន្ធរឹង ។

ក្នុងឱកាសនេះដែរ ជាការផ្សារភ្ជាប់ទៅនិងសមិទ្ធផលថ្មីដែលត្រូវចាប់ផ្ដើមដំណើរការសាងសង់នាថ្ងៃនេះ និងអគារសាលប្រជុំធំដែលទើបសាងសង់រួចកាលពីពេលថ្មីៗ ឯកឧត្ដមអភិបាលខេត្ត ក៏បានចាត់ឲ្យមានការរៀបចំពិធីជប់លៀងពិសារបាយសាមគ្គី ដើម្បីជាការអបអរសាទរសមិទ្ធផលថ្មីផង និងជាការលើកទឹកចិត្ដដល់មន្ត្រីរាជការសាលាខេត្តទាំងអស់ ដែលបានរួមសាមគ្គីបំពេញតួនាទីភារកិច្ចក្នុងកិច្ចបម្រើសេវារដ្ឋបាលជូនប្រជាពលរដ្ឋបានល្អប្រសើរ ឆាប់រហ័ស និងទាន់ពេលវេលា ធានាបាននូវនិរន្តរ៍ភាពការងារជូនរដ្ឋបាលខេត្តនាពេលកន្លងមក៕

អត្ថបទ​ផ្សេងៗ​ទៀត...

  1. ឯកឧត្ដម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធីប្រារព្ធទិវាមច្ឆជាតិ ០១ កក្កដា ២០១៧ នៅបរិវេណវត្តក្ដីរំដួល ភូមិអកនាគ សង្កាត់សង្ឃ័រ ក្រុងស្វាយរៀង
  2. ឯកឧត្ដម ម៉ែន វិបុល អភិបាលខេត្ត និងជាប្រធានអនុគណៈកម្មការវិនិយោគខេត្តស្វាយរៀង បានអញ្ជើញដឹកនាំកិច្ចប្រជុំពិភាក្សាលើសំណើសុំវិនិយោគនានាពាក់ព័ន្ធនឹងការចិញ្ចឹមត្រី អគ្គិសនី និងឡូជីស្ទីកនៅក្នុងខេត្ត
  3. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសម្ពោធសាលាតម្រង់ទិសកីឡាបាល់ទាត់ខេត្តស្វាយរៀង
  4. ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា កាត់ខ្សែបូដាក់ឲ្យប្រើប្រាស់ជាផ្លូវការនូវព្រះវិហារថ្មីវត្តពពែតចាស់ ហៅវត្តពពែត

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 2

ម្សិលមិញ 3

សប្តាហ៍ 15

ខែ 142

សរុប 5416