ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

ឯកឧត្ដម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធីប្រារព្ធទិវាមច្ឆជាតិ ០១ កក្កដា ២០១៧ នៅបរិវេណវត្តក្ដីរំដួល ភូមិអកនាគ សង្កាត់សង្ឃ័រ ក្រុងស្វាយរៀង

ខេត្តស្វាយរៀងៈ ឯកឧត្ដម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធីប្រារព្ធទិវាមច្ឆជាតិ ០១ កក្កដា ២០១៧ នៅបរិវេណវត្តក្ដីរំដួល ភូមិអកនាគ សង្កាត់សង្ឃ័រ ក្រុងស្វាយរៀង នាព្រឹកថ្ងៃទី២៩ ខែមិថុនា ឆ្នាំ២០១៧នេះ។ 
ពិធីនេះសហការរៀបចំដោយមន្ទីរកសិកម្ម រុក្ខាប្រមាញ់ និងនេសាទខេត្ត និងអង្គការសន្តិសេនា ដោយមានការអញ្ជើញចូលរួមពីមន្ទីរ-អង្គភាព ក្រុង ស្រុកពាក់ព័ន្ធ បងប្អូនប្រជាពលរដ្ឋ លោកគ្រូ អ្នកគ្រូ និងនិស្សិត ចំនួន ២៥០នាក់ ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានសំណូមពរដល់ប្អូនប្រជាពលរដ្ឋនូវ កុំ បីយ៉ាង គឺ កុំទី១ កុំប្រើប្រាស់ឧបករណ៍ខុសច្បាប់ក្នុងការនេសាទ ដូចជាឧបករណ៍ឆក់ និងស្បៃមុង កុំទី២ កុំចាប់ត្រីក្នុងរដូវហាមឃាត់ គឺរដូវត្រីពង និងកុំទី៣ កុំយកបឹង ព្រែក ប្រើប្រាស់ខុសដៅ ដូចជាចាក់លុបដី និងសាងសង់សំណង់ផ្សេងៗ ដែលមិនត្រឹមតែជាទង្វើខុសច្បាប់ ប៉ុន្តែនឹងធ្វើឲ្យប៉ះពាល់ដល់ជម្រកត្រី និងប្រព័ន្ធជីវចម្រុះ ។ 
ទន្ទឹមនេះ ឯកឧត្ដមអភិបាលខេត្ត ក៏បានអំពាវនាវដល់អាជ្ញាធរគ្រប់លំដាប់ថ្នាក់ និងអង្គភាពពាក់ព័ន្ធ ចូលរួមឲ្យបានកាន់តែសកម្មថែមទៀតក្នុងចលនាព្រលែងកូនត្រីឲ្យបានគ្រប់ទីកន្លែងនៅមូលដ្ឋាន ឲ្យក្លាយជាប្រពៃណីព្រលែងកូនត្រី ដើម្បីបង្កើនផលត្រីឲ្យបានកាន់តែច្រើនសម្រាប់បម្រើឲ្យសេចក្ដីត្រូវការរបស់ប្រជាពលរដ្ឋ ។ ដើម្បីផ្សារភ្ជាប់នឹងឱកាសទិវាមច្ឆជាតិនេះ ឯកឧត្ដមអភិបាលខេត្ត ក៏បានផ្ដល់កិត្តិយសព្រលែងកូនត្រី ចំនួន ៥០.០០០ក្បាល ទៅក្នុងព្រែកក្ដីរំដួលផងដែរ ។

#បន្ទាប់ពីបញ្ចប់ពិធីព្រលែងកូនត្រី ក្នុងឱកាសប្រារព្ធទិវាមច្ឆជាតិ នាព្រឹកថ្ងៃទី២៩ ខែមិថុនា ឆ្នាំ២០១៧ដដែលនេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង រួមដំណើរដោយលោកប្រធានមន្ទីរ និងលោកអភិបាលក្រុង ស្រុកពាក់ព័ន្ធ បានអញ្ជើញ ចុះពិនិត្យស្ពានថ្ម ១កន្លែង ប្រវែងប្រមាណជា ៣០ម៉ែត្រ ស្ថិតនៅភូមិអកនាគ សង្កាត់សង្ឃ័រ ក្រុងស្វាយរៀង ខេត្តស្វាយរៀង ដែលមានសភាពចាស់ទ្រុឌទ្រោម បង្កការលំបាកដល់បងប្អូនប្រជាពលរដ្ឋធ្វើដំណើរឆ្លងកាត់ ។

ជាកិច្ចឆ្លើយតបទៅនឹងសំណូមពររបស់បងប្អូនប្រជាពលរដ្ឋ និងព្រះគ្រូចៅអធិការវត្តក្ដីរំដួល
ឯកឧត្តមអភិបាលខេត្ត នឹងចាត់មន្រ្តីជំនាញចុះមកពិនិត្យ និងសិក្សានាពេលឆាប់ៗខាងមុខនេះ ៕

 

ឯកឧត្ដម ម៉ែន វិបុល អភិបាលខេត្ត និងជាប្រធានអនុគណៈកម្មការវិនិយោគខេត្តស្វាយរៀង បានអញ្ជើញដឹកនាំកិច្ចប្រជុំពិភាក្សាលើសំណើសុំវិនិយោគនានាពាក់ព័ន្ធនឹងការចិញ្ចឹមត្រី អគ្គិសនី និងឡូជីស្ទីកនៅក្នុងខេត្ត

នាព្រឹកថ្ងៃទី១៣ ខែមិថុនា ឆ្នាំ២០១៧នេះ ឯកឧត្ដម ម៉ែន វិបុល អភិបាលខេត្ត និងជាប្រធានអនុគណៈកម្មការវិនិយោគខេត្តស្វាយរៀង បានអញ្ជើញដឹកនាំកិច្ចប្រជុំពិភាក្សាលើសំណើសុំវិនិយោគនានាពាក់ព័ន្ធនឹងការចិញ្ចឹមត្រី អគ្គិសនី និងឡូជីស្ទីកនៅក្នុងខេត្ត ដោយមានការអញ្ជើញចូលរួមពីឯកឧត្ដមអភិបាលរងខេត្ត លោកប្រធានមន្ទីរ-អង្គភាព និងអភិបាលក្រុង ស្រុកពាក់ព័ន្ធ ព្រមទាំងសមាជិកអនុគណៈកម្មការវិនិយោគខេត្ត សរុបចំនួន ២០រូប នៅសាលប្រជុំសាលាខេត្ត ៕

ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសម្ពោធសាលាតម្រង់ទិសកីឡាបាល់ទាត់ខេត្តស្វាយរៀង

នារសៀលថ្ងៃទី២៦ ខែឧសភា ឆ្នាំ២០១៧នេះ ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសម្ពោធសាលាតម្រង់ទិសកីឡាបាល់ទាត់ខេត្តស្វាយរៀង ក្រោមអធិបតីភាពឯកឧត្ដម ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា និងឯកឧត្ដមនាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា នៅកីឡដ្ឋានបាល់ទាត់ខេត្តស្វាយរៀង ក្រុងស្វាយរៀង ខេត្តស្វាយរៀង ។

ក្នុងពិធីនេះ មានការអញ្ជើញចូលរួមពីឯកឧត្ដម អស់លោកប្រតិភូក្រសួងអប់រំ យុវជន និងកីឡា សហព័ន្ធកីឡាបាល់ទាត់កម្ពុជា ឯកឧត្ដមអភិបាលរងខេត្ត កងកម្លាំងប្រដាប់អាវុធទាំងបី ប្រធានមន្ទីរ-អង្គភាពនានាក្នុងខេត្ត កីឡាករ កីឡាការិនី និងគ្រូបង្វឹកបាល់ទាត់ជម្រើសជាតិកម្ពុជាគ្រប់កម្រិត ព្រមទាំងតំណាងវិស័យឯកជន តំណាងក្លឹបបាល់ទាត់នានា និងតំណាងអង្គភាពពាក់ព័ន្ធមួយចំនួន ។

ដើម្បីអបអរសាទរក្នុងពិធីបើកសម្ពោធសាលាតម្រង់ទិសកីឡាបាល់ទាត់ខេត្តស្វាយរៀង ដែលជាសាលាតម្រង់ទិសកីឡាបាល់ទាត់ទីមួយនៅក្នុងព្រះរាជាណាចក្រកម្ពុជា នាពេលនេះ សហព័ន្ធកីឡាបាត់ទាត់កម្ពុជា ក៏បានរៀបចំការប្រកួតបាល់ទាត់លក្ខណៈមិត្តភាពអន្តរជាតិរវាងក្រុម U-17 Cambodia Academy (កម្ពុជា) និងក្រុម U-17 Ho Chi Minh City (វៀតណាម) ផងដែរ ៕

ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា កាត់ខ្សែបូដាក់ឲ្យប្រើប្រាស់ជាផ្លូវការនូវព្រះវិហារថ្មីវត្តពពែតចាស់ ហៅវត្តពពែត

នាព្រឹកថ្ងៃទី២៥ ខែឧសភា ឆ្នាំ២០១៧នេះ ឯកឧត្ដមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា កាត់ខ្សែបូដាក់ឲ្យប្រើប្រាស់ជាផ្លូវការនូវព្រះវិហារថ្មីវត្តពពែតចាស់ ហៅវត្តពពែត ស្ថិតនៅភូមិកំពោតម្រាក់ ឃុំពពែត ស្រុកស្វាយទាប ខេត្តស្វាយរៀង ក្រោមអធិបតីភាពលោកជំទាវបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង ។

ក្នុងពិធីនេះ មានការអញ្ជើញចូលរួមពីលោកជំទាវសមាជិកាសភាមណ្ឌលខេត្តស្វាយរៀង ឯកឧត្ដម លោកជំទាវក្រុមការងារថ្នាក់ជាតិចុះមូលដ្ឋាននៅខេត្តស្វាយរៀង និងស្រុកស្វាយទាប ឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត កងកម្លាំងប្រដាប់អាវុធទាំងបី ប្រធានមន្ទីរ-អង្គភាពនានាក្នុងខេត្ត ថ្នាក់ដឹកនាំស្រុក ឃុំ យាយជី តាជី យុវជនសហភាពសហព័ន្ធយុវជនកម្ពុជាស្រុក យុវជនកាយរិទ្ធិ យុវជនកាកបាទក្រហមកម្ពុជា បងប្អូនប្រជាពលរដ្ឋ និងពុទ្ធបរិស័ទចំណុះជើងវត្តប្រមាណជា ១.៣០០នាក់ ។

ព្រះវិហារដែលត្រូវដាក់សម្ពោធដាក់ឲ្យប្រើប្រាស់នៅថ្ងៃនេះ មានទំហំ ១២ម៉ែត្រ x ១៩ម៉ែត្រ កម្ពស់ប្រវែង ១៥ម៉ែត្រ ចាប់ផ្ដើមសាងសង់តាំងពីឆ្នាំ២០១៥ និងបញ្ចប់ការសាងសង់នៅឆ្នាំ២០១៧ ចំណាយថវិកាសរុបចំនួន ១៧១.៣១៩ដុល្លារ ដោយមានការចូលរួមគាំទ្រឧបត្ថម្ភពីសំណាក់ឯកឧត្តមនាយឧត្ដមសេនីយ៍ សួស អង្គារ៍ អគ្គស្នងការរងនគរបាលជាតិ និងលោកជំទាវឧកញ៉ា ញឹម សុខាល័យ ឯកឧត្ដម លោកជំទាវ លោកឧកញ៉ា លោក លោកស្រី សប្បុរសជន ព្រមទាំងពុទ្ធបរិស័ទទាំងក្នុង និងក្រៅខេត្ត ។

អត្ថបទ​ផ្សេងៗ​ទៀត...

  1. ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារខែមិថុនា ឆ្នាំ២០១៧ របស់រដ្ឋបាលខេត្ត
  2. លិខិតជូនពរសម្ដេចអគ្គមហាពញាចក្រីកិត្តិព្រឹទ្ធបណ្ឌិត ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា
  3. ក្រុមប្រឹក្សាខេត្ត គណៈអភិបាលខេត្តស្វាយរៀង ថ្នាក់ដឹកនាំ និងមន្ត្រីរាជការសាលាខេត្តស្វាយរៀង បានអញ្ជើញចូលរួមគោរពវិញ្ញាណក្ខន្ធសព លោកវរសេនីយ៍ត្រី (អនុសេនីយ៍ឯក) ម៉ៅ អេង វីរៈទាហានមួកខៀវកម្ពុជា នៅភូមិបាក់រនាស់ សង្កាត់សង្ឃ័រ ក្រុងស្វាយរៀង
  4. ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង ចុះទស្សនកិច្ចនៅបណ្តាតំបន់សេដ្ឋកិច្ចពិសេសនៅក្រុងបាវិត និង ទីតាំងច្រកទ្វារអន្តរជាតិបាវិត ខេត្តស្វាយរៀង

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 2

ម្សិលមិញ 3

សប្តាហ៍ 15

ខែ 142

សរុប 5416