ប្រព័ន្ធស្ថិតិអត្រានុកូលដ្ឋាន

បណ្ណាល័យ គ.ជ.អ.ប

នាព្រឹកថ្ងៃចន្ទ ១៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែមិថុនា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីសំណេះសំណាល អបអរសាទរ និងផ្ដល់នូវប្រាក់ឧបត្ថម្ភបន្ថែមសម្រាប់គ្រូបង្វឹក និងកីឡាករ កីឡាការិនីជ័យលាភីពីការប្រកួតកីឡាជាតិ

នាព្រឹកថ្ងៃចន្ទ ១៣រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១១ ខែមិថុនា ឆ្នាំ២០១៨នេះ រដ្ឋបាលខេត្តស្វាយរៀង បានរៀបចំពិធីសំណេះសំណាល អបអរសាទរ និងផ្ដល់នូវប្រាក់ឧបត្ថម្ភបន្ថែមសម្រាប់គ្រូបង្វឹក និងកីឡាករ កីឡាការិនីជ័យលាភីពីការប្រកួតកីឡាជាតិលើកទី២ ឆ្នាំ២០១៨ នៅសាលប្រជុំធំសាលាខេត្ត ក្រោមអធិបតីភាពឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្ដម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីឯកឧត្ដម លោកជំទាវសមាជិកក្រុមប្រឹក្សាខេត្ត អភិបាលរងខេត្ត តំណាងកងកម្លាំងទាំងបី ប្រធានមន្ទីរ-អង្គភាព អភិបាលក្រុង ស្រុក ប្រធាន អនុប្រធានមន្ទីរអប់រំ យុវជន និងកីឡាខេត្ត ប្រធានការិយាល័យអប់រំក្រុង ស្រុក លោកនាយកសាលា ព្រមទាំងប្រតិភូដឹកនាំកីឡា គ្រូបង្វឹក និងកីឡាករ កីឡាការិនី ចំនួន ១៨៤រូប ។

មានប្រសាសន៍ក្នុងឱកាសនោះ ឯកឧត្ដមអភិបាលខេត្ត បានចូលរួមអបអរសាទរ និងសម្ដែងនូវការកោតសរសើរ ចំពោះ ថ្នាក់ដឹកនាំ និងមន្ត្រីពាក់ព័ន្ធ នៃមន្ទីរអប់រំ យុវជន និងកីឡាខេត្ត ព្រមទាំងប្រតិភូដឹកនាំកីឡា និងគ្រូបង្វឹក ជាពិសេសកីឡាករ កីឡាការិនីជ័យលាភីទាំងអស់ ដែលបានខិតខំប្រឹងប្រែង យកអស់កម្លាំងកាយចិត្ត និងសមត្ថភាព ប្រកបដោយស្មារតីប្ដេជ្ញាចិត្តខ្ពស់ក្នុងការប្រកួតប្រជែងដ៏ស្វិតស្វាញ ដោយដណ្ដើមបានលទ្ធផលគួរជាទីមោទនៈសម្រាប់ខេត្តស្វាយរៀង ក្នុងព្រឹត្តិការណ៍កីឡាជាតិលើកទី២ ឆ្នាំ២០១៨ ដែលលទ្ធផលដ៏ល្អប្រសើរនេះ គឺមិនត្រឹមតែជាមោទនភាព និងផ្ដល់នូវកិត្តិយសផ្ទាល់ខ្លួនដល់ក្មួយៗ ក្រុមគ្រួសារ ឪពុកម្ដាយ អាណាព្យាបាល បងប្អូន លោកគ្រូ អ្នកគ្រូ និងសាលាប៉ុណ្ណោះទេ ប៉ុន្តែ ជាមោទនភាព និងកិត្តិយស របស់ប្រជាជន និងខេត្តស្វាយរៀងយើងទាំងមូល ។

ជាមួយនេះ ឯកឧត្ដមអភិបាលខេត្ត ក៏បានលើកទឹកចិត្តចំពោះកីឡាករ កីឡាការិនី ដែលពុំទទួលបានមេដាយ ក៏កុំទាន់អាលអស់សង្ឃឹម កីឡាគឺតែងតែមានឈ្នះ និងមានចាញ់ បើយើងចាញ់នៅថ្ងៃនេះ ហើយបាក់ទឹកចិត្ត និងអស់សង្ឃឹម នោះយើងនឹងគ្មានផ្លូវឈ្នះនៅថ្ងៃក្រោយនោះទេ ផ្ទុយទៅវិញត្រូវតែបន្តខិតខំប្រឹងប្រែងហ្វឹកហាត់បង្កើនសមត្ថភាពថែមទៀត ហើយក្នុងនាមរដ្ឋបាលខេត្ត ឯកឧត្ដមអភិបាលខេត្ត នៅតែបន្តជួយគាំទ្រ និងផ្ដល់កម្លាំងចិត្តដល់កីឡាករ កីឡាការិនីជានិច្ច សំដៅឈានឆ្ពោះទៅដណ្ដើមនូវជ័យជម្នះ និងពានរង្វាន់ឲ្យបានកាន់តែច្រើនថែមទៀត ក្នុងព្រឹត្តិការណ៍កីឡានានា ក៏ដូចជាព្រឹត្តិការណ៍កីឡាជាតិលើកទី៣ ឆ្នាំ២០២០ ខាងមុខ ។

សូមបញ្ជាក់ថា ក្នុងព្រឹត្តិការណ៍កីឡាជាតិលើកទី២នេះ ខេត្តស្វាយរៀង ដណ្ដើមបានមេដាយ សរុប ២១មេដាយ (មេដាយមាស ៣ មេដាយប្រាក់ ៨ និងមេដាយសំរឹទ្ធិ ១០) លើ ០៦វិញ្ញាសារ រួមាន បាល់ទាត់បុរស ទទួលបានមេដាយមាស ១ បាល់ទាត់នារី ទទួលបានមេដាយសំរឹទ្ធិ ១ បាល់បោះបុរស ទទួលបានមេដាយសំរឹទ្ធិ ១ វ៉ូវីណាម ទទួលបានមេដាយមាស ១ និងប្រាក់ ៤ វាយសី ទទួលបានមេដាយមាស ១ ប្រាក់ ១ និងសំរឹទ្ធិ ២ និងតេក្វាន់ដូ ទទួលបានប្រាក់ ៣ និងសំរឹទ្ធិ ៦ ។

ចំពោះប្រាក់រង្វាន់ដែលផ្ដល់ជូននាឱកាសនោះ រួមមាន ៖
-កីឡាករ កីឡាការិនី ដែលទទួលបានមេដាយមាស ក្នុង ១គ្រឿង ទទួលបាន ៨០ម៉ឺនរៀល បានមេដាយប្រាក់ ក្នុង ១គ្រឿង ទទួលបាន ៦០ម៉ឺនរៀល មេដាយសំរឹទ្ធិ ក្នុង ១គ្រឿង ទទួលបាន ៤០ម៉ឺនរៀល ។
-គ្រូបង្វឹក និងប្រតិភូដឹកនាំកីឡា ២៧នាក់ ក្នុងម្នាក់ទទួលបាន ៥០ម៉ឺនរៀល ។
-ដោយឡែក កីឡាករ កីឡាការិនី ដែលមិនទទួលបានមេដាយ ៨៣នាក់ ក៏មានប្រាក់ឧបត្ថម្ភសម្រាប់ជាការលើកទឹកចិត្ត ក្នុងម្នាក់ ១០ម៉ឺនរៀល ផងដែរ ៕

នាព្រឹកថ្ងៃពុធ ០៨រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែមិថុនា ឆ្នាំ២០១៨នេះ រដ្ឋបាលខេត្ដស្វាយរៀង បានរៀបចំពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង ដែលទើបត្រឡប់ពីការចូលរួមប្រកួតព្រឹត្តិការណ៍កីឡា

ពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង

នាព្រឹកថ្ងៃពុធ ០៨រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែមិថុនា ឆ្នាំ២០១៨នេះ រដ្ឋបាលខេត្ដស្វាយរៀង បានរៀបចំពិធីទទួល និងដង្ហែរអបអរសាទរប្រតិភូកីឡា គ្រូបង្វឹក កីឡាករ កីឡាការិនី ខេត្តស្វាយរៀង ដែលទើបត្រឡប់ពីការចូលរួមប្រកួតព្រឹត្តិការណ៍កីឡាជាតិលើកទី២ ឆ្នាំ២០១៨ នៅរាជធានីភ្នំពេញ ។

ពិធីទទួល និងដង្ហែរនេះ ប្រព្រឹត្តិទៅចាប់ពីឃុំក្រោលគោ ត្រង់ចំណុចព្រំប្រទល់ខេត្តស្វាយរៀង-ព្រៃវែង រហូតដល់ក្រុងស្វាយរៀង ដោយមានការចូលរួមពីឯកឧត្ដម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង តំណាងឯកឧត្ដម ម៉ែន វិបុល អភិបាល នៃគណៈអភិបាលខេត្ត ថ្នាក់ដឹកនាំមន្ទីរអប់រំ យុវជន និងកីឡាខេត្ត ប្អូនៗយុវជនសហភាពសហព័ន្ធយុវជនកម្ពុជាខេត្ត ព្រមទាំងមានការចូលរួមអបអរសាទរ ទទួលស្វាគមន៍ ឈរជារបងអមសងខាងផ្លូវពីប្អូនៗនិស្សិតសាកលវិទ្យាល័យស្វាយរៀង ប្អូនៗសិស្សានុសិស្សវិទ្យាល័យហ៊ុនសែនស្វាយជ្រំ វិទ្យាល័យហ៊ុនសែនចេក សាលាបឋមសិក្សាព្រះសីហនុ និងប្អូនៗសិស្សានុសិស្សវិទ្យាល័យស្វាយរៀង យ៉ាងច្រើនកុះករ ។

សូមបញ្ជាក់ថា នៅក្នុងព្រឹត្តិការណ៍កីឡាជាតិលើកទី២ ចាប់ផ្ដើមពីថ្ងៃទី២៥ ខែឧសភា និងបានបិទបញ្ចប់កាលពីថ្ងៃទី០៤ ខែមិថុនា ឆ្នាំ២០១៨ ខេត្តស្វាយរៀងបានបញ្ជូនកីឡាទៅចូលរួមប្រកួត ចំនួន ១២ប្រភេទកីឡា ទទួលបានមេដាយសរុប ២១គ្រឿង ក្នុងនោះមេដាយមាស ចំនួន ០៣គ្រឿង មេដាយប្រាក់ ចំនួន ០៨គ្រឿង និងមេដាយសំរឹទ្ធិ ចំនួន ១០គ្រឿង ដែលមេដាយមាស បានទៅលើប្រភេទកីឡាបាល់ទាត់បុរស ១គ្រឿង វាយសីគូ(បុរស-នារី) ១គ្រឿង និងវ៉ូវីណាម ១គ្រឿង មេដាយប្រាក់ បានទៅលើប្រភេទកីឡាវាយសីគូ(នារី) ១គ្រឿង វ៉ូវីណាម ៤គ្រឿង និងតេក្វាន់ដូ ៣គ្រឿង និងមេដាយសំរឹទ្ធិ បានទៅលើប្រភេទកីឡាបាល់ទាត់នារី ១គ្រឿង វាយសី(នារីទោល) ១គ្រឿង វាយសីជាក្រុម ១គ្រឿង បាល់បោះបុរស ១គ្រឿង និងតេក្វាន់ដូ ៦គ្រឿង ៕

នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញជាអធិបតីក្នុងពិធីប្រារព្ធខួបលើកទី៦៩ ទិវាកុមារអន្តរជាតិ ០១ មិថុនា ២០១៨

នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ឯកឧត្ដម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញជាអធិបតីក្នុងពិធីប្រារព្ធខួបលើកទី៦៩ ទិវាកុមារអន្តរជាតិ ០១ មិថុនា ២០១៨ និងទិវាពិភពលោកប្រឆាំងពលកម្មកុមារ ១២ មិថុនា នៅវិទ្យាល័យស្វាយរៀង ដោយមានការចូលរួមមន្ទីរអង្គភាពជុំវិញខេត្ត កងកម្លាំងទាំង៣ប្រភេទ លោកគ្រូ អ្នកគ្រូ សិស្សានុសិស្ស និងអង្គការជាតិ អន្តរជាតិ ។

មានប្រសាសន៍ក្នុងឱកាសនោះ ឯកឧត្ដមអភិបាលរងខេត្ត បានសម្ដែងនូវការអបអរសាទរដល់ក្មួយៗដែលបានខិតខំយ៉ាងសកម្ម ហាត់ពត់លត់ដំ ក្នុងចលនា ប្រឡងប្រណាំង ៣ល្អរបស់កុមារ និងយុវជន ហើយបានក្លាយខ្លួនជា កូនល្អ សិស្សល្អ មិត្តល្អ និងជាពលរដ្ឋល្អ ។ ជាមួយនេះ ឯកឧត្ដមក៏បានបញ្ជាក់បន្ថែមពីសិទ្ធិជាមូលដ្ឋានសំខាន់ប៍ួនរបស់កុមារ គឺសិទ្ធិរស់រានមានជីវិត សិទ្ធិទទួលការពារ សិទ្ធិក្នុងការអភិវឌ្ឍន៍ និងសិទ្ធិក្នុងការចូលរួម ដែលសិទ្ធិទាំងបួននេះ ត្រូវបានធានា និងយកចិត្តទុកបំផុតពីសំណាក់រាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។

ជាចុងបញ្ចប់ ក្នុងនាមឯកឧត្ដមអភិបាលខេត្ត ឯកឧត្ដមគ៏បានសំណូមពរដល់ក្មួយៗកុមារទាំងអស់ដែលជាទំពាំងស្នងឫស្សី និងជាសរសរទ្រូងដ៏រឹងមាំរបស់ប្រទេសជាតិទៅថ្ងៃអនាគត ត្រូវយកចិត្តទុកដាក់ខិតខំរៀនសូត្រ ព្រមទាំងចៀសឲ្យផុតពីគ្រឿងញៀន ៕

នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំសាមញ្ញលើកទី៤៨ ឆ្នាំទី៤ អាណត្តិទី២ របស់ក្រុមប្រឹក្សាខេត្តស្វាយរៀង

នាព្រឹកថ្ងៃព្រហស្បតិ៍ ០២រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំសាមញ្ញលើកទី៤៨ ឆ្នាំទី៤ អាណត្តិទី២ របស់ក្រុមប្រឹក្សាខេត្តស្វាយរៀង ក្រោមអធិបភាពឯកឧត្ដម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីសំណាក់ឯកឧត្ដម ពេជ សាវ៉ាន់ ឯកឧត្ដម ប្រាក់ សុវណ្ណ ឯកឧត្ដម ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង ឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត លោក លោកស្រីនាយក នាយករងរដ្ឋបាល លោកប្រធានមន្ទីរព័ត៌មានខេត្ត លោកប្រធានផែនការខេត្ត លោកប្រធានមន្ទីរសុខាភិបាលខេត្ត លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យសាលាខេត្ត ។ របៀបវារៈនៃកិច្ចប្រជុំនេះ រួមមាន ៖
១.ការអនុម័តលើសេចក្ដីព្រាងកំណត់ហេតុនៃកិច្ចប្រជុំសាមញ្ញលើកទី៤៧
២.ការអនុម័តរបាយការណ៍បូកសរុបលទ្ធផលការងារប្រចាំខែឧសភា និងទិសដៅការងារខែមិថុនា ឆ្នាំ២០១៨ របស់រដ្ឋបាលខេត្ត
៣.ស្ដាប់របាយការណ៍វឌ្ឍនភាពការងាររបស់ការិយាល័យបេឡាជាតិអតីតយុទ្ធជន (ប.ជ.អ)
៤.ស្ដាប់របាយការណ៍វឌ្ឍនភាពការងាររបស់ការិយាល័យបេឡាជាតិសន្តិសុខសង្គមសម្រាប់មន្ត្រីរាជការស៊ីវិល(ប.ជ.ស)
៥.ស្ដាប់របាយការណ៍លទ្ធផលការពិនិត្យព្យាបាលជំងឺមន្ត្រីរាជការ និងកម្មកររបស់មន្ទីរសុខាភិបាលខេត្ត
៦.ស្ដាប់របាយការណ៍ប្រចាំខែឧសភា និងទិសដៅការងារខែមិថុនា ឆ្នាំ២០១៨ របស់ គកសក ខេត្ត 
៧.ស្ដាប់របាយការណ៍ប្រចាំខែឧសភា និងទិសដៅការងារខែមិថុនា ឆ្នាំ២០១៨ របស់ គណៈកម្មាធិការលទ្ធកម្មរដ្ឋបាលខេត្ត 
៨.សេចក្ដីផ្សេងៗ (កិច្ចប្រជុំសាមញ្ញក្រុមប្រឹក្សាខេត្តលើកទី៤៩ ប្រព្រឹត្តទៅនៅថ្ងៃទី០៣ ខែកក្កដា ឆ្នាំ២០១៨) ៕

អត្ថបទ​ផ្សេងៗ​ទៀត...

  1. នារសៀលថ្ងៃពុធ ០១រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨នេះ នៅសាលប្រជុំសាលាខេត្ត មានរៀបចំកិច្ចប្រជុំស្ដីពីកិច្ចការពារសន្តិសុខសណ្ដាប់ធ្នាប់សាធារណៈ និងកិច្ចការពារការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨
  2. នាព្រឹកថ្ងៃចន្ទ ១៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងទី២៨ ខែឧសភា ឆ្នាំ២០១៨នេះ ឯកឧត្ដម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងឯកឧត្ដមអភិបាលខេត្ត បានអញ្ជើញចូលរួមក្នុងសិក្ខាសាលាស្ដីពីការផ្សព្វផ្សាយលទ្ធផលអត្តសញ្ញាណកម្មគ្រួសារក្រីក្រ
  3. នាព្រឹកថ្ងៃសៅរ៍ ១២កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែឧសភា ឆ្នាំ២០១៨នេះ ឧបដ្ឋានសាលាកុដិ សាលារៀន រួមទាំងសមិទ្ធផលនានា ស្ថិតនៅវត្តធន់វង្សមុន្នី ភូមិរាមសេនា ឃុំអណ្ដូងពោធិ៍ ស្រុករមាសហែក ត្រូវបានដាក់សម្ពោធប្រើប្រាស់ជាផ្លូវការ
  4. នាព្រឹកថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២៤ ខែឧសភា ឆ្នាំ២០១៨នេះ នៅសាលប្រជុំសាលាខេត្ត មានរៀបចំកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារខែមិថុនា ឆ្នាំ២០១៨ របស់រដ្ឋបាលខេត្ត ក្រោមអធិបតីភាពឯកឧត្ដម ម៉ែន វិ

ព័ត៌មានថ្មីៗ

យុទ្ធសាស្ត្រចតុកោណ(ដ៣)

ចំនួនអ្នកទស្សនា

ថ្ងៃនេះ 3

ម្សិលមិញ 7

សប្តាហ៍ 3

ខែ 96

សរុប 7051